ഫുട്ബോൾ ചരിത്രത്തിലെ തന്നെ ഏറ്റവും മികച്ച കളിക്കാരൻ ഞാനാണ്: സൗദി മാധ്യമത്തോട് റൊണാൾഡോ

ഫുട്ബോൾ ചരിത്രത്തിലെ തെന്നെ ഏറ്റവും മികച്ച കളിക്കരൻ താനാണെന്ന് പോർച്ചുഗൽ ഇതിഹാസതാരം ക്രിസ്റ്റ്യാനോ റൊണാൾഡോ. ഗോൾ അറേബ്യയെന്നമാധ്യമത്തിന് നൽകിയ അഭിമുഖത്തിലാണ് റൊണാൾഡൊ ഇക്കാര്യം പറഞ്ഞത്. ഞാൻ എല്ലാവരുടെയും മുൻഗണനകളെ പരിഗണിക്കുന്നു. എന്നാൽ എന്നെക്കാൾ മെച്ചപ്പെട്ട ഒരാളെയും ഞാൻ കണ്ടിട്ടില്ല. എന്നെകൊണ്ട് ചെയ്യാൻ കഴിയുന്ന കാര്യങ്ങൾ ഒരു ഫുട്ബോളർക്കും ചെയ്യാനാവില്ലെന്ന് ഞാൻ ചിന്തിക്കാറുണ്ട്.എന്നെക്കാൾ പൂർണനായ ഒരു താരവുമില്ല റൊണാൾഡോ പറയുന്നു.

 ഞാൻ കാലുകൾ കൊണ്ട് കളിക്കും. എനിക്ക് മികച്ച വേഗമുണ്ട്.ശക്തിയുണ്ട്. തലകൊണ്ട് നന്നായി കളിക്കാനും ഗോൾ നേടാനുമാകും. ഗോളുകൾ നേടുകയും അസിസ്റ്റ് നൽകുകയും ചെയ്യും. പലരും മെസ്സിയെയും നെയ്മറെയും എനിക്ക് മുകളിൽ പരിഗണിക്കാറുണ്ട്. എന്നാൽ എന്നെക്കാൾ പൂർണനായ ഒരു താരമില്ല.ഫ്രാൻസ് ഫുട്ബോളിന് നൽകിയ അഭിമുഖം ഉദ്ധരിച്ച് ഗോൾ അറേബ്യ റിപ്പോർട്ട് ചെയ്തു