ഇക്കാര്യങ്ങള് ശ്രദ്ധിച്ചാല് ഹൃദയത്തെ ആരോഗ്യത്തോടെ നിലനിര്ത്താം
മനുഷ്യ ശരീരത്തിലെ ഏറ്റവും പ്രധാന്യമുള്ള ഒരു അവയവമാണ് ഹൃദയം.
മനുഷ്യ ശരീരത്തിലെ ഏറ്റവും പ്രധാന്യമുള്ള ഒരു അവയവമാണ് ഹൃദയം. ഹൃദയം പണിമുടക്കുന്നതോടെ എല്ലാം അവസാനിക്കും. ഹൃദയത്തെ ആരോഗ്യത്തോടെ നലനിര്ത്താനായി പല കാര്യങ്ങളും ശ്രദ്ധിക്കേണ്ടതുണ്ട്. എന്തെല്ലാമാണ് ഹൃദയത്തെ സംരക്ഷിക്കാനുള്ള വഴികളെന്ന് നോക്കാം.
ഉപ്പു കുറയ്ക്കുക: ആഹാരത്തില് ചേര്ക്കുന്ന ഉപ്പിന്റെ അളവ് അഞ്ചിലൊന്നായി കുറക്കുന്നതിലൂടെ നിങ്ങളുടെ ഹൃദയത്തെ സംരക്ഷിക്കാന് കഴിയും.
പുകവലി: 15 മുതൽ 25 വർഷം വരെ ആയുസു കുറയാൻ പുകവലി കാരണമാകുന്നുണ്ടെന്നാണ് പഠനങ്ങള് വ്യക്തമാക്കുന്നത്. അതുകൊണ്ടു തന്നെ പുകവലി ഒഴിവാക്കുന്നത് ഹൃദ്രോഗത്തെ പ്രതിരോധിക്കാന് സഹായിക്കും.
വ്യായാമം: ദിവസത്തില് 30 മിനിട്ടെങ്കിലും വ്യായാമം ചെയ്യാന് ശ്രമിക്കുക. ശാരീരിക- മാനസിക ആരോഗ്യം മെച്ചപ്പെടുത്താൻ വ്യായാമം സഹായകമാണ്.
സമീകൃതാഹാരം: ധാന്യവർഗങ്ങളും ഇലക്കറികളും പഴങ്ങളും ഉൾപ്പെടുന്ന സമീകൃതാഹാരം ശീലമാക്കുന്നതും നല്ലതാണ്. അമിതവണ്ണം ഒഴിവാക്കാന് ശ്രദ്ധിക്കേണ്ടതും ആവശ്യമാണ്.
മദ്യപാനം: അമിതമായ മദ്യപാനം രക്തസമ്മർദ്ദവും അമിതഭാരവും വർധിപ്പിക്കും. മദ്യപാനം നിയന്ത്രിക്കുന്നതിലൂടെ ഹൃദ്രോഗബാധ നിയന്ത്രിക്കാന് സാധിക്കുമെന്നാണ് ഗവേഷകര് അഭിപ്രായപ്പെടുന്നത്.