വൈകി ജനിക്കുന്ന കുട്ടികളില്‍ ഓട്ടിസത്തിന് സാധ്യത കൂടുതലോ? ഇക്കാര്യങ്ങള്‍ അറിയണം

മാതാവിന്റെയോ പിതാവിന്റെയോ പ്രായം കൂടുന്നത് ഓട്ടിസം സ്‌പെക്ട്രം ഡിസോര്‍ഡര്‍ (ASD) ഉണ്ടാകാനുള്ള സാധ്യതയില്‍ നേരിയ വര്‍ദ്ധനവിന് കാരണമാകുമെന്ന് കണ്ടെത്തിയിട്ടുണ്ട്.

പ്രായമായ രക്ഷകര്‍ത്താക്കള്‍ക്ക് ജനിക്കുന്ന കുട്ടികളില്‍ ഓട്ടിസത്തിന് സാധ്യത കൂടുതലാണെന്നാണ് പലരുടെയും വിശ്വാസം. ഒരു പരിധി വരെ ഇതും ഒരു കാരണമാണ്. ഇതിനുപുറമേ മറ്റുപല കാരണങ്ങളും ഓട്ടിസത്തിന് കാരണമാകാറുണ്ട്. മാതാവിന്റെയോ പിതാവിന്റെയോ പ്രായം കൂടുന്നത് ഓട്ടിസം സ്‌പെക്ട്രം ഡിസോര്‍ഡര്‍ (ASD) ഉണ്ടാകാനുള്ള സാധ്യതയില്‍ നേരിയ വര്‍ദ്ധനവിന് കാരണമാകുമെന്ന് കണ്ടെത്തിയിട്ടുണ്ട്. പ്രായവുമായി ബന്ധപ്പെട്ട ജനിതക മാറ്റങ്ങള്‍, പ്രത്യേകിച്ച് ഡി നോവോ മ്യൂട്ടേഷനുകള്‍ - കാലക്രമേണ ബീജത്തിലോ അണ്ഡകോശങ്ങളിലോ അടിഞ്ഞുകൂടുന്നത് ഇതിന് കാരണമാകുമെന്ന് വിശ്വസിക്കപ്പെടുന്നു. 

ഇത്തരം സന്ദര്‍ഭങ്ങളില്‍ നേരത്തെയുള്ള രോഗനിര്‍ണയവും പിന്തുണയും കുട്ടികളെ കൂടുതല്‍ മെച്ചപ്പെടുത്തും. സ്പീച്ച് ആന്‍ഡ് ലാംഗ്വേജ് തെറാപ്പി, ഒക്യുപേഷണല്‍ തെറാപ്പി, ബിഹേവിയറല്‍ ഇടപെടലുകള്‍ തുടങ്ങിയ  അടിസ്ഥാനമാക്കിയുള്ള ചികിത്സകള്‍ കുട്ടികളെ അവരുടെ പൂര്‍ണ്ണ ശേഷി കൈവരിക്കാന്‍ സഹായിക്കും. അതോടൊപ്പം തന്നെ എഎസ്ഡി ഉള്ള കുട്ടികള്‍ പലപ്പോഴും അസാധാരണമായ ഓര്‍മ്മശക്തി, സര്‍ഗ്ഗാത്മകത, സംഗീതം, ഗണിതം, ദൃശ്യചിന്ത എന്നിവയിലെ കഴിവ് തുടങ്ങിയ സവിശേഷമായ ശക്തികള്‍ പ്രകടിപ്പിക്കാറുണ്ട്. ഈ സ്വഭാവവിശേഷങ്ങള്‍ അവഗണിക്കപ്പെടാതെ വളര്‍ത്തിയെടുക്കണം. 

ഒരു സമൂഹമെന്ന നിലയില്‍ നമ്മുടെ പങ്ക് ഭയം ജനിപ്പിക്കുകയല്ല, മറിച്ച് ഇത്തരത്തിലുള്ള ഓരോ കുട്ടിക്കും അഭിവൃദ്ധി പ്രാപിക്കാന്‍ അവസരമുള്ള ഒരു അന്തരീക്ഷം സൃഷ്ടിക്കുക എന്നതാണ്.