ലൈംഗികത ആരോഗ്യം മെച്ചപ്പെടുത്തുമോ?

ലൈംഗികത ചിലപ്പോഴൊക്കെ ആളുകളുടെ ക്ഷേമത്തിൻ്റെയും ശാരീരിക ആരോഗ്യത്തിൻ്റെയും ചില വശങ്ങൾ ഉയർത്തിയേക്കാം. ഈ ആരോഗ്യ ആനുകൂല്യങ്ങളിൽ ഹൃദ്രോഗ സാധ്യത കുറയ്ക്കുകയും മാനസികാരോഗ്യം മെച്ചപ്പെടുത്തുകയും ചെയ്യും. ലൈംഗിക ബന്ധത്തിലൂടെ ലഭിക്കുന്ന പ്രത്യുൽപാദനത്തിനു പുറമേ സാധ്യമായ നിരവധി നേട്ടങ്ങൾ ശാസ്ത്രീയ ഗവേഷണം ഉയർത്തിക്കാട്ടിയിട്ടുണ്ട്. ചില ആളുകളിൽ ഹൃദയാരോഗ്യം സംരക്ഷിക്കുക, രക്തസമ്മർദ്ദം കുറയ്ക്കുക, പ്രതിരോധശേഷി വർദ്ധിപ്പിക്കുക എന്നിവ ഈ ഗുണങ്ങളിൽ ഉൾപ്പെടുന്നു.

മാനസികാവസ്ഥ, ബന്ധങ്ങൾ, മാനസിക ക്ഷേമം എന്നിവ മെച്ചപ്പെടുത്താനും ലൈംഗികതയ്ക്ക് കഴിയും.

എന്നിരുന്നാലും എല്ലാ സാധ്യതയുള്ള ആനുകൂല്യങ്ങളും എല്ലാവർക്കും ബാധകമല്ല. പങ്കാളികളുമായുള്ള ലൈംഗികബന്ധം ഹൃദയാരോഗ്യത്തിന്റെ കാര്യത്തിൽ ശുഭകരമായ മാറ്റങ്ങൾ ഉണ്ടാകാൻ കാരണമാകുന്നു. ഇത് പ്രത്യേകിച്ച് സ്ത്രീകളിലാണ് കണ്ടുവരുന്നത്. ലൈംഗികബന്ധത്തിൽ ഏർപ്പെട്ടിരിക്കുന്ന സ്ത്രീകൾക്ക് പിന്നീടുള്ള ജീവിതത്തിൽ ഹൃദയാഘാതം ഉണ്ടാകാനുള്ള സാധ്യത കുറവാണെന്ന് അടുത്തിടെ നടത്തിയ ഒരു പഠനത്തിൽ പറയുന്നുണ്ട്.

ലൈംഗിക ജീവിതത്തിൽ സംതൃപ്തി പ്രകടിപ്പിക്കുന്ന സ്ത്രീകൾക്ക് ഉയർന്ന രക്തസമ്മർദ്ദം ഉണ്ടാകാനുള്ള സാധ്യത കുറവാണെന്ന് ഗവേഷകർ കണ്ടെത്തി. എന്നാൽ ഇത് പുരുഷന്മാരിൽ കണ്ടെത്തിയിട്ടില്ല. അമേരിക്കൻ ഹാർട്ട് അസോസിയേഷന്റെ (AHA) റിപ്പോർട്ട് അനുസരിച്ച്, ഉയർന്ന രക്തസമ്മർദ്ദം ഉദ്ധാരണം കൈവരിക്കാനും നിലനിർത്താനുമുള്ള പുരുഷൻ്റെ കഴിവിനെ ബാധിക്കുമത്രെ. ഇത് ഒരു ഗുണം സ്ഥിരീകരിക്കുന്നില്ലെങ്കിലും, ഇത് രക്തസമ്മർദ്ദവും ലൈംഗിക ആരോഗ്യവും തമ്മിലുള്ള ബന്ധം കാണിച്ചേക്കാം.