ഡിജിറ്റല്‍ ക്രിയേറ്ററായ നിക്കോള്‍ ആണ് ആശ്ചര്യകരമായ ഒരു വെളിപ്പെടുത്തലില്‍ നടത്തിയിരിക്കുന്നത്. ദൃശ്യമായ ബേബി ബമ്പ് വികസിപ്പിക്കാതെ കടന്നു പോയ ഗര്‍ഭാവസ്ഥയുടെ അനുഭവമാണ് അവര്‍ പങ്കുവെച്ചത്. ഗര്‍ഭിണി എന്നു പറയുമ്പോഴേ നമ്മുടെ എല്ലാവരുടെയും മനസ്സില്‍ ആദ്യം വരുന്നത് ഗര്‍ഭിണിയുടെ ഉന്തിയ വയറാണ്. എന്നാല്‍ ഇതാ അത്തരത്തില്‍ ഉള്ള വയര്‍ ഇല്ലാതെയും ഗര്‍ഭിണിയാകാമെന്നും കുഞ്ഞിന് ജന്മം നല്‍കാമെന്നുമാണ് പുതിയ വെളിപ്പെടുത്തല്‍.
ഹോര്‍മോണുകളുടെ അളവ് അല്ലെങ്കില്‍ ശരീരഘടന സാധാരണ ഗര്‍ഭലക്ഷണങ്ങളെ മറയ്ക്കുന്ന ഗര്‍ഭധാരണത്തെ നിഗൂഢ ഗര്‍ഭധാരണം എന്ന് വിളിക്കുന്നു. ശക്തമായ വയറിലെ പേശികള്‍, പൊണ്ണത്തടി അല്ലെങ്കില്‍ ബമ്പ് മറയ്ക്കുന്ന രീതിയില്‍ പിന്നോട്ട് പോയ ഗര്‍ഭപാത്രം തുടങ്ങിയ ഘടകങ്ങള്‍ കാരണം ഇത് സംഭവിക്കാം. ആദ്യത്തെ ഗര്‍ഭാവസ്ഥയിലോ കുഞ്ഞ് പുറകിലേക്ക് കിടക്കുമ്പോഴോ ഇത് കൂടുതല്‍ സാധാരയായി സംഭവിക്കാറുണ്ട്.
ചില സന്ദര്‍ഭങ്ങളില്‍, സ്ത്രീകള്‍ക്ക് അവരുടെ മൂന്നാമത്തെ മാസം വരെ അല്ലെങ്കില്‍ പ്രസവസമയത്ത് പോലും കുറഞ്ഞ ലക്ഷണങ്ങള്‍ കാരണം അവര്‍ ഗര്‍ഭിണിയാണെന്ന് തിരിച്ചറിയാന്‍ കഴിഞ്ഞെന്ന് വരില്ല. ബെംഗളുരുവിലെ ആസ്റ്റര്‍ വിമന്‍ ആന്‍ഡ് ചില്‍ഡ്രന്‍ ഹോസ്പിറ്റലിലെ ഒബ്സ്റ്റട്രിക്സ് ആന്‍ഡ് ഗൈനക്കോളജി മേധാവി ഡോ.കവിത കോവിയാണ് ഇതിനെ കുറിച്ച് വ്യക്തമാക്കിയത്.
