ആരോഗ്യപരിപാലനത്തിന് വിപരീത നൌകാസനം
നൌക എന്നാല്‍ വള്ളം. വളളത്തിന്‍റെ ആകൃതിയുമായി സാദൃശ്യമുള്ളതിനാല്‍ നൌകാസനം എന്ന പേര്. ഇത് ചെയ്യുമ്പോള്‍ വള്ളത്തിന്‍റെ രൂപത്തിന് സമാനമായ നിലയിലായിരിക്കും ശരീരമെന്നതിനാല്‍ വിപരീത നൌകാസനമെന്ന് പേര്. (വിപരീത നൌകാസനത്തില്‍ കമിഴ്ന്ന് കിടക്കുന്നു).
നൌക എന്നാല്‍ വള്ളം. വളളത്തിന്‍റെ ആകൃതിയുമായി സാദൃശ്യമുള്ളതിനാല്‍ നൌകാസനം എന്ന പേര്. ഇത് ചെയ്യുമ്പോള്‍ വള്ളത്തിന്‍റെ രൂപത്തിന് സമാനമായ നിലയിലായിരിക്കും ശരീരമെന്നതിനാല്‍ വിപരീത നൌകാസനമെന്ന് പേര്. (വിപരീത നൌകാസനത്തില്‍ കമിഴ്ന്ന് കിടക്കുന്നു).
ചെയ്യേണ്ട വിധം:
*ഉദരവും നെഞ്ചും നിലത്ത് മുട്ടിച്ച് കിടക്കുക.
*നെറ്റി നിലത്ത് മുട്ടിയിരിക്കണം.
*കൈകളും കാല്പാദങ്ങളും അതാത് വശങ്ങളില്‍ വയ്ക്കുക.
* കൈകള്‍ മുന്നോട്ട് നീട്ടി വയ്ക്കുക.
* കൈകള്‍ രണ്ടും സമാന്തരമായിരിക്കണം.
* കൈത്തലങ്ങങ്ങള്‍ കമിഴ്ത്തി പിടിക്കുക.
*കൈവിരലുകള്‍ ചേര്‍ത്ത് പിടിക്കുക.
* നെറ്റിത്തടം കൈകള്‍ക്കിടയില്‍ നിലത്ത് മുട്ടുന്ന അവസ്ഥയിലായിരിക്കണം
* ശ്വാസം അകത്തേക്ക് വലിക്കുക. ഈ സമയം തന്നെ കാലുകള്‍, നെഞ്ച്, ചുമലുകള്‍, കഴുത്ത്, ശിരസ്സ്, കൈകള്‍ എന്നിവ ഉയര്‍ത്തുക.
* കൈമുട്ടുകളും കാല്‍ മുട്ടുകളും വളയാതെ നോക്കുക.
* നീട്ടി പിടിച്ചിരിക്കുന്ന കൈകള്‍ കാതുകളില്‍ മുട്ടണം.
* കാല്പാദങ്ങള്‍ ചേര്‍ത്ത് പിടിക്കുക.
* കഴിയുന്നത്രെയും ശിരസ്സ് ഉയര്‍ത്തിപ്പിടിക്കുക.
* ഉയര്‍ന്ന് നില്‍ക്കുന്ന കൈകള്‍ക്കിടയിലായിരിക്കണം ശിരസ്സ്.
* പിന്‍‌ഭാഗത്തേക്ക് കഴിയുന്നത്ര വളയുക.
* പിന്ഭാഗം കമാനാകൃതിയില്‍ വളഞ്ഞിരിക്കണം.
*ശരീരം കാല്‍വിരലുകള്‍ മുതല്‍ കൈവിരലുകള്‍ വരെ നന്നായി കമാനാകൃതിയില്‍ വളഞ്ഞിരിക്കണം.
*കാല്‍‌വിരലുകളും കൈവിരലുകളും ഒരേനിലയിലായിരിക്കണം.
* അടിവയറില്‍ ശരീരഭാരം താങ്ങി നിര്‍ത്തുക.
*ഉദരത്തിന്‍റെ അടിഭാഗം മാത്രമേ നിലത്ത് മുട്ടാന്‍ പാടുള്ളൂ.
*ഈ നിലയില്‍ അനങ്ങാതെ തുടരുക.
*ശ്വാസം പിടിച്ച് 10 സെക്കന്‍ഡോളം നില്‍ക്കുക.
*മെല്ലെ ശ്വാസം വിട്ട് തുടങ്ങിയ നിലയിലേക്ക് മടങ്ങുക.
*ഇനി തിരിഞ്ഞ് ശവാസനത്തിന്‍റെ നില സ്വീകരിച്ച് വിശ്രമിക്കുക.
പ്രയോജനം:
വിപരീത നൌകാസനം ഉദരത്തിന് ശക്തി നല്‍കുന്നു. കഴുത്ത്, പിന്ഭാഗം, ചുമലുകള്‍ക്കും ബലം നല്‍കുന്നു.
*നട്ടെല്ലുമായി ബന്ധപ്പെട്ട് ഉള്ള പ്രശ്നങ്ങള്‍ പരിഹരിക്കുന്നു.
*നെഞ്ച് വികസിക്കുന്നു, ശ്വാസ കോശത്തിനും ശക്തിപകരുന്നു.
* അരക്കെട്ട്, കാല്‍ പാദങ്ങള്‍, കാല്‍ വണ്ണ, മുട്ടുകള്‍, തുടകള്‍, കൈകള്‍ എന്നിവയ്ക്കും ഈ ആസനം ബലം നല്‍കുന്നു.
