എല്ലാവിധ ചര്‍മ്മ പ്രശ്നങ്ങള്‍ക്കും പരിഹാരം. ഇതേതോ ന്യൂസ് പേപ്പറിലെ ലൊട്ടുകൊടുക്കു പരസ്യമാണെന്നു കരുതരുത്. സത്യം. എല്ലാ ചര്‍മ്മ പ്രശ്നങ്ങള്‍ക്കും പരിഹാരമായി ഫേസ് മാപ്പിംഗ് ഇതാ എത്തിയിരിക്കുന്നു.
അമേരിക്കയിലെ ഇന്‍റര്‍നാഷണല്‍ ഡെര്‍മല്‍ ഇന്‍സ്റ്റിറ്റ്യൂട്ട് ആണ് ഇതു വികസിപ്പിച്ചത്. ഇന്ത്യയില്‍ ചെന്നൈയിലെ നാച്ചുറല്‍‌സ് ബ്യൂട്ടി സലൂണിലും ഈ ചികിത്സാരീതി ലഭ്യമാണത്രേ. ഈ രീതിയില്‍ ചര്‍മ്മത്തിന്‍റെ ഉപരിതലത്തില്‍ പ്രത്യക്ഷപ്പെടുന്ന പ്രശ്നം മാത്രമല്ല, മറിച്ച് അതിന്‍റെ കാരണവും മുന്‍പുള്ള അവസ്തയും പഠിക്കുന്നു.
14 മേഖലകളായി മുഖത്തെ തിരിക്കുന്നു. ഓരോ ഭാഗത്തെയും ചര്‍മ്മത്തിന്‍റെ അവസ്ഥ പരിശോധിക്കുന്നു. അതിനു ചേര്‍ന്ന ചികിത്സാരീതി അവലംബിക്കുന്നു. 3 മുതല്‍ 6 മാസം വരെ ചികിത്സ നീണ്ടേക്കാം. ചര്‍മ്മത്തിന്‍റെ അവസ്ഥക്ക് അനുസൃതമാണ് കാലപരിധി.
പുരുഷ്ന്മാര്‍ക്കും ഫേസ് മാപ്പിംഗ് പരീക്ഷിക്കാം. അതിനു പ്രത്യേക മാര്‍ഗ്ഗമുണ്ട്. 18 വയസ്സു മുതലുള്ള സ്ത്രീക്കും പുരുഷനും ഈ രീതി പരീക്ഷിക്കാം. ഭക്ഷണരീതിയിലേ മാറ്റങ്ങളൊന്നും ചികിത്സക്ക് ആവശ്യമില്ല. എന്നാല്‍ നീണ്ട യാത്രകള്‍, പുതിയ സ്ഥലത്ത് കൂടുതല്‍ കാ‍ലം തങ്ങള്‍ തുടങ്ങിയവ ഒഴിവാക്കുന്നതാകും നന്ന്.
