നിങ്ങള്‍ക്ക് വന്നത് ജലദോഷമാണോ കൊവിഡാണോയെന്ന് എങ്ങനെ തിരിച്ചറിയാം

സമീപ ആഴ്ചകളില്‍ പനി പോലുള്ള രോഗങ്ങളുടെ വര്‍ദ്ധനവും ഉണ്ടായിട്ടുണ്ട്.

LF.7, NB.1.8.1 എന്നീ പുതിയ വകഭേദങ്ങള്‍ രാജ്യത്ത് അതിവേഗം പടരുന്നുകൊണ്ടിരിക്കുകയാണ്. ഇത് നേരിയതോ മിതമായതോ ആയ ലക്ഷണങ്ങള്‍ കാണിക്കാമെന്ന് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് (ICMR) പ്രസ്താവിച്ചു. മഴയുടെ ആരംഭവും ഇടയ്ക്കിടെയുള്ള കാലാവസ്ഥാ വ്യതിയാനങ്ങളും കാരണം, സമീപ ആഴ്ചകളില്‍ പനി പോലുള്ള രോഗങ്ങളുടെ വര്‍ദ്ധനവും ഉണ്ടായിട്ടുണ്ട്. 

കോവിഡ് ജലദോഷത്തിന്റെ ലക്ഷണങ്ങള്‍ കാണിക്കും, ഇത് രണ്ടും തമ്മില്‍ വേര്‍തിരിച്ചറിയാന്‍ പ്രയാസമാണ്. പുതിയ കോവിഡ് അണുബാധയുടെ സാധാരണ ലക്ഷണങ്ങളില്‍ പനി, ചുമ, തൊണ്ടവേദന, തലവേദന, വിശപ്പില്ലായ്മ, ശരീരവേദന, ക്ഷീണം, മൂക്കൊലിപ്പ് എന്നിവ ഉള്‍പ്പെടുന്നു. ചില രോഗബാധിതര്‍ക്ക് ദഹനസംബന്ധമായ പ്രശ്നങ്ങളും രുചിയും മണവും നഷ്ടപ്പെടുന്നതും അനുഭവപ്പെടാം.

ഇതിനു വിപരീതമായി, സാധാരണ ജലദോഷ ലക്ഷണങ്ങളില്‍ മൂക്കൊലിപ്പ്, തുമ്മല്‍, തൊണ്ടവേദന, പനിയോടൊപ്പമുള്ള നേരിയ ചുമ എന്നിവ ഉള്‍പ്പെടുന്നു. സാധാരണ ജലദോഷമുള്ള വ്യക്തികള്‍ക്ക് സാധാരണയായി കോവിഡ് ഉള്ളവരെപ്പോലെ മണം അല്ലെങ്കില്‍ രുചി നഷ്ടപ്പെടല്‍, ദഹനസംബന്ധമായ പ്രശ്നങ്ങള്‍, ക്ഷീണം എന്നിവ അനുഭവപ്പെടില്ല.