ഡെങ്കിപ്പനി, എലിപ്പനി; മഴക്കാല രോഗങ്ങള്‍ക്കെതിരെ അതീവ ജാഗ്രത വേണം
മലിനജലത്തില്‍ ഇറങ്ങിയ എല്ലാവരും ആരോഗ്യ പ്രവര്‍ത്തകരുടെ നിര്‍ദേശാനുസരണം എലിപ്പനി പ്രതിരോധ ഗുളികയായ ഡോക്‌സിസൈക്ലിന്‍ കഴിക്കണം
ഇടവിട്ടുള്ള മഴ തുടരുന്ന സാഹചര്യത്തില്‍ സംസ്ഥാനത്ത് ഡെങ്കിപ്പനി, എലിപ്പനി, ജലജന്യ രോഗങ്ങള്‍ എന്നിവ വര്‍ധിക്കാന്‍ സാധ്യതയുണ്ട്. രോഗങ്ങളെ പ്രതിരോധിക്കാന്‍ ശ്രദ്ധ വേണം.
ഡെങ്കിപ്പനി പ്രതിരോധം:
* പ്ലാന്റേഷന്‍ മേഖലകളില്‍ പ്രത്യേക ശ്രദ്ധ: പ്ലാന്റേഷന്‍ ഏരിയകളില്‍ ഡെങ്കിപ്പനി വ്യാപനം കാണുന്നതിനാല്‍ ഉടമകള്‍ വെള്ളം കെട്ടിനില്‍ക്കുന്നത് ഒഴിവാക്കാനും കൊതുക് നിവാരണ പ്രവര്‍ത്തനങ്ങള്‍ നടത്താനും ശ്രദ്ധിക്കുക.
* വീടിന് ചുറ്റും വെള്ളം കെട്ടിനില്‍ക്കാതെ നോക്കുക. കൊതുക് മുട്ടയിട്ട് പെരുകാന്‍ സാധ്യതയുള്ള ചിരട്ട, ടയര്‍, പാത്രങ്ങള്‍ തുടങ്ങിയവയില്‍ വെള്ളം കെട്ടിനില്‍ക്കുന്നില്ലെന്ന് ഉറപ്പാക്കുക.
* പൂട്ടിയിട്ടിരിക്കുന്ന സ്ഥലങ്ങളില്‍ പൊതുജനാരോഗ്യ നിയമ പ്രകാരം നോട്ടീസ് നല്‍കി നടപടി സ്വീകരിക്കും.
എലിപ്പനി പ്രതിരോധം:
* നിരന്തര ജാഗ്രത: എലിപ്പനിക്കെതിരെ എപ്പോഴും ജാഗ്രത പാലിക്കുക.
* പ്രതിരോധ ഗുളിക: മലിനജലത്തില്‍ ഇറങ്ങിയ എല്ലാവരും ആരോഗ്യ പ്രവര്‍ത്തകരുടെ നിര്‍ദേശാനുസരണം എലിപ്പനി പ്രതിരോധ ഗുളികയായ ഡോക്‌സിസൈക്ലിന്‍ കഴിക്കണം. രക്ഷാപ്രവര്‍ത്തനത്തില്‍ ഏര്‍പ്പെട്ടവരും ഇത് പ്രത്യേകം ശ്രദ്ധിക്കുക.
* ഹോട്ട് സ്‌പോട്ടുകള്‍ കണ്ടെത്തി പൊതുജനാരോഗ്യ നിയമപ്രകാരം പരിശോധനകള്‍ നടത്തി കര്‍ശനനടപടി സ്വീകരിക്കും.
ജലജന്യ രോഗങ്ങള്‍ക്കെതിരെ ജാഗ്രത:
* മലിനമായ വെള്ളം കാരണം കോളറ, മഞ്ഞപ്പിത്തം (ഹെപ്പറ്റൈറ്റിസ് എ) പോലുള്ള ജലജന്യ രോഗങ്ങള്‍ ഉണ്ടാകാന്‍ സാധ്യതയുണ്ട്.
* തിളപ്പിച്ചാറിയ വെള്ളം മാത്രം കുടിക്കുക.
