ഇറച്ചിക്കടകളും ഭക്ഷ്യവിഷബാധയ്ക്ക് കാരണമായേക്കാമെന്ന് ആരോഗ്യവിദഗ്ധര്‍. ശുചിത്വമില്ലാത്ത ചുറ്റുപാടുകളാണ് ഭക്ഷ്യവിഷബാധയ്ക്ക് പ്രധാന കാരണം. ഇറച്ചിക്കടകളില്‍ നിന്ന് ബാക്ടീരിയ ബാധയുണ്ടാകാന്‍ സാധ്യതയുണ്ടെന്ന് വിദഗ്ധര്‍ ചൂണ്ടിക്കാട്ടുന്നു. മരക്കുറ്റികളില്‍ ഇറച്ചിവെട്ടുന്നത് നിരോധിച്ചിട്ടുണ്ടെങ്കിലും പലയിടത്തും അത് ഇപ്പോഴും തുടരുന്നു. മരക്കുറ്റികളില്‍ ഇറച്ചി വെട്ടുന്നതും പിന്നീട് ആ മരക്കുറ്റികള്‍ നന്നായി വൃത്തിയാക്കാത്തതും ഗുരുതരമായ സാഹചര്യമുണ്ടാക്കിയേക്കാം.
