ബ്ലാക്ക് ഫംഗസ് ഭീതി നിലനില്‍ക്കെയാണ് ഇന്ത്യയില്‍ വൈറ്റ് ഫംഗസും പിടിമുറുക്കുന്നത്. ബ്ലാക്ക് ഫംഗസിനേക്കാള്‍ ഭീകരമാണ് വൈറ്റ് ഫംഗസ്. മനുഷ്യനെ ഗുരുതരമായി ബാധിക്കും. സ്ത്രീകളെയും കുട്ടികളെയും അതിവേഗം ബാധിച്ചേക്കാം.
പ്രതിരോധശേഷി കുറവുള്ളവരിലാണ് വൈറ്റ് ഫംഗസ് കണ്ടുവരുന്നത്. വെള്ളത്തില്‍ നിന്നും വൈറ്റ് ഫംഗസ് പടരുമെന്നാണ് പ്രാഥമിക പഠനം. കോവിഡ് ലക്ഷണങ്ങള്‍ തന്നെയായിരിക്കും വൈറ്റ് ഫംഗസ് ബാധിച്ചവരിലും ആദ്യം കാണുക. എന്നാല്‍, കോവിഡ് ടെസ്റ്റ് നെഗറ്റീവ് ആയിരിക്കും. സിടി സ്‌കാന്‍, എക്സ് -റേ എന്നിവ വഴിയാണ് വൈറ്റ് ഫംഗസ് രോഗബാധ കണ്ടെത്താന്‍ സാധിക്കുക.
വൃത്തിഹീനമായ ഓക്‌സിജന്‍ സിലിണ്ടറുകളുടെ ഉപയോഗം, അമിതമായി സ്റ്റിറോയ്ഡ്‌സ് ഉപയോഗിക്കുന്നത് എന്നിവയെല്ലാം വൈറ്റ് ഫംഗസ് രോഗബാധയ്ക്ക്
കരളിനെ മാത്രമല്ല വൈറ്റ് ഫംഗസ് ബാധിക്കുക. തലച്ചോര്‍, കിഡ്നി, ഉദരം, ത്വക്ക്, നഖങ്ങള്‍, വായ, മറ്റ് സ്വകാര്യ ഭാഗങ്ങള്‍ എന്നിവയെയും വൈറ്റ് ഫംഗസ് ബാധിക്കും.
കോവിഡ് രോഗികളെ വൈറ്റ് ഫംഗസ് അതിവേഗം ബാധിക്കും. പ്രതിരോധശേഷി കുറഞ്ഞവര്‍, പ്രമേഹരോഗികള്‍, ക്യാന്‍സര്‍ രോഗികള്‍ എന്നിവരെയെല്ലാം വൈറ്റ് ഫംഗസ് ബാധിക്കാന്‍ സാധ്യതയുണ്ട്.