നിലക്കടല കഴിച്ചോളൂ...ക്യാന്‍സറിനെ പ്രതിരോധിക്കാം !!!
നിലക്കടല ശീലമാക്കൂ...ക്യാന്‍സറിനെ പ്രതിരോധിക്കാം !!!
നിലക്കടല ഇഷ്ടമല്ലേ? എന്ത് ചോദ്യം അല്ലേ. കുട്ടികള്‍ മുതല്‍ മുതിര്‍ന്നവര്‍ വരെ ഇഷ്ടപ്പെടുന്ന ഇതില്‍ ധാരാളം പോക്ഷക ഗുണങ്ങള്‍ അടങ്ങിയിട്ടുണ്ട്. നിലക്കടല അഥവാ കപ്പലണ്ടി ദിവസവും നിശ്ചിത അളവില്‍ കഴിക്കുന്നത് ആരോഗ്യത്തിന് അത്യുത്തമമാണ്. വൈറ്റമിനുകളും മിനറല്‍‌സും ന്യൂട്രീന്‍‌സും ആന്‍റി ഓക്സിഡന്‍റുകളുമാണ് നിലക്കടലയില്‍ ഉള്ളത്. ഇവയെല്ലാം വലിയ തോതില്‍ ഊര്‍ജ്ജദായകമാണ്.
മാംസത്തിലും മുട്ടയിലുമുള്ളതിനേക്കാള്‍ പ്രോട്ടീന്‍ നിലക്കടലയിലുണ്ട്‌. പച്ചക്കറികളില്‍ സോയാബീന്‍സില്‍ മാത്രമാണ്‌ നിലക്കടലയിലുള്ളതിനേക്കാള്‍ പ്രോട്ടീന്‍ ഉള്ളത്. ശരീരത്തിലെ ചീത്ത കൊളസ്‌ട്രോളിനെ കുറയ്ക്കുകയും നല്ല കൊളസ്ട്രോളിന്‍റെ അളവ് വര്‍ദ്ധിപ്പിക്കുകയും ചെയ്യുകയും ഹൃദയധമനികള്‍ക്ക് കൂടുതല്‍ കരുത്ത് നല്‍കാനു നിലക്കടല ഏറെ സഹായകരമാണ്. കുടാതെ പ്രോട്ടീനുകളുടെ കലവറ കൂടിയാണ് ഇത്. ഇതില്‍ അടങ്ങിയിരിക്കുന്ന അമിനോ ആസിഡ് ശരീരവളര്‍ച്ചയ്ക്ക് അത്യുത്തമമാണ്.
നിലക്കടലയുടെ തൊലി മാറ്റി വെള്ളത്തില്‍ നന്നായി കുതിര്‍ത്ത്‌ അരച്ച്‌ മൂന്നിരട്ടി പാലില്‍ നേര്‍പ്പിച്ചാല്‍ നിലക്കടലപ്പാല്‍ തയ്യാറായി. നല്ലൊരു പോഷകപാനീയമാണിത്‌. ഹീമോഫീലിയ, കാപ്പിലറി ഞരമ്പുകള്‍ പൊട്ടുന്നതിലൂടെ ഉണ്ടാകുന്ന മൂക്കിലെ രക്തസ്രാവം. അമിതാര്‍ത്തവം എന്നിവയുള്ളപ്പോള്‍ നിലക്കടലയോ നിലക്കടലയുല്‍പ്പന്നങ്ങളോ കഴിക്കുന്നത് നല്ലതാണെന്ന്‌ പഠനം പറയുന്നു.
ഹൃദയാഘാതം, നാഡീതളര്‍ച്ച, അള്‍ഷിമേഴ്സ്, ക്യാന്‍സര്‍, എന്നിവയെയെല്ലാം പ്രതിരോധിക്കാനുള്ള കഴിവ് നിലക്കടലയ്ക്കുണ്ട്. കൂടാതെ പക്ഷാഘാതത്തെ ചെറുക്കാനുള്ള ശേഷി നിലക്കടല കഴിക്കുന്നതിലൂടെ മനുഷ്യശരീരത്തിന് കൂടുന്നു. ചര്‍മ്മകാന്തി കൂട്ടാനും ത്വക്ക് രോഗങ്ങളില്‍ നിന്നുള്ള വിമുക്തിക്കും കപ്പലണ്ടി കഴിക്കുന്നത് നല്ലതാണ്. മൂത്രാശയസംബന്ധിയായ രോഗങ്ങള്‍ക്കും ശരീരഭാരം അമിതമായി വര്‍ദ്ധിക്കുന്നതിനും നിലക്കടല കഴിക്കുന്നത് ഒരു പരിഹാരമാണ്.
