കൊളസ്‌ട്രോളും പ്രമേഹവും അലട്ടുന്നോ? ചേന കഴിച്ചാല്‍ മതി!

പുതിയ ഭക്ഷണ രീതികള്‍ ജീവിതത്തിലേക്ക് കടന്നു വന്നതോടെ നമ്മുടെ ആഹാര രീതികളില്‍ മാറ്റം വന്നു. ജങ്ക് ഫുഡുകളും എണ്ണയില്‍ വറുത്തതും പൊരിച്ചതുമായ ഭക്ഷണങ്ങളുമാണ് ഇന്ന് എല്ലാവര്‍ക്കും പ്രിയം. ഇത്തരം രീതികള്‍ കടന്നു വന്നതോടെ അടുക്കളയില്‍ നിന്നും പുറത്തായ ഒന്നാണ് ചേന.

ശ​രീ​ര​ത്തി​ന് ആ​രോ​ഗ്യം പ്ര​ദാ​നം ചെ​യ്യു​ന്ന ധാ​രാ​ളം ഘ​ട​ക​ങ്ങൾ അടങ്ങിയിരിക്കുന്ന ഭ​ക്ഷ​ണ​മാ​ണ് ചേ​ന. ധാ​രാ​ളം മി​ന​റൽ​സും കാ​ത്സ്യ​വും അ​ട​ങ്ങി​യി​ട്ടു​ള്ളതിനാല്‍ എ​ല്ലു​കൾ​ക്ക് കരുത്ത് പകരാന്‍ ചേന ഉത്തമമാണ്.

രോ​ഗ​പ്ര​തി​രോ​ധ​ശേ​ഷി വർ​ദ്ധി​പ്പി​ക്കുന്നതിനൊപ്പം ഇൻ​സു​ലി​ന്റെ അ​ള​വ് നി​യ​ന്ത്രി​ച്ച് പ്രമേഹം നിയന്ത്രിക്കാനും ചേനയ്‌ക്ക് സാധിക്കും. നാരുകള്‍ അടങ്ങിയിരിക്കുന്നതിനാല്‍ ശ​രീ​ര​ത്തി​ലെ വി​ഷാം​ശം നീ​ക്കം ചെ​യ്യാ​നും ദ​ഹ​ന​പ്ര​ക്രി​യ മെ​ച്ച​പ്പെ​ടു​ത്താ​നും സാധിക്കും.

നല്ല ചര്‍മം കൈവരാനും കൊളസ്‌ട്രോള്‍ കുറച്ച് ര​ക്ത​സ​മ്മർ​ദ്ദം നി​യ​ന്ത്രിക്കാനും ചേനയ്‌ക്ക് സാധിക്കും. അതിനാല്‍ തന്നെ ഉത്തമമായ ഒരു വിഭവമാണ് ചേന. നിശ്ചിത ഇടവേളകളില്‍ ഇത് ശീലമാക്കുന്നത് ശരീരത്തിനും ആരോഗ്യത്തിനും ഗുണകരമാകും.