അമേരിക്കന്‍ പ്രസിഡന്റ് തെരെഞ്ഞെടുപ്പില്‍ ജോ ബൈഡന് പിന്തുണയുമായി മിഷേല്‍ ഒബാമ. ബൈഡന് വിജയിക്കേണ്ടത് രാജ്യത്തിന്റെ ആവശ്യമാണെന്നാണ് മുന്‍ അമേരിക്കന്‍ പ്രസിഡന്റ് ബരാക് ഒബാമയുടെ ഭാര്യയായ മിഷേല്‍ ഒബാമ പറഞ്ഞത്. വൈസ് പ്രസിഡന്റ് പദവിയിലായിരുന്നപ്പോള്‍ അദ്ദേഹം മികച്ച പ്രകടനങ്ങളാണ് കാഴ്ചവച്ചതെന്നും മിഷേല്‍ ഒബാമ പറഞ്ഞു.
രാജ്യത്തെ എങ്ങനെ മുന്നോട്ട് നയിക്കണമെന്ന് ബൈഡന് നല്ല ധാരണയുണ്ട്. സത്യം പറയുന്ന സത്യസന്ധമായി പ്രവര്‍ത്തിക്കുന്നയാളാണ് ബൈഡന്. തിരഞ്ഞെടുപ്പിനു മുന്നോടിയായി പുറത്തിറക്കിയ കണ്‍വെന്‍ഷനുകളുടെ ഭാഗമായി പുറത്തിറക്കിയ വീഡിയോയിലൂടെയാണ് മിഷേല്‍ ഒബാമ ഇക്കാര്യം പറഞ്ഞത്.