ട്രംപ് വിജയിച്ചതോടെ സാനിയ മൌനത്തില്‍; പൊട്ടിത്തെറിച്ച് പീറ്റേഴ്‌സണും ഡു പ്ലെസിയും - കാരണം ഒന്നുമാത്രം
ട്രംപിന്റെ വിജയത്തില്‍ സാനിയ്‌ക്ക് എന്താണ് കലിപ്പ്; ക്രിക്കറ്റ് ലോകത്തും പൊട്ടിത്തെറി
പ്രതീക്ഷകള്‍ തെറ്റിച്ചുകൊണ്ട് അമേരിക്കയുടെ 45–മത് പ്രസിഡന്റായി റിപ്പബ്ലിക്കൻ സ്‌ഥാനാർഥി ഡോണൾഡ് ട്രംപ് തെരഞ്ഞെടുക്കപ്പെട്ടതിന്റെ ഞെട്ടലിലാണ് കായിക ലോകം.
ഇംഗ്ലണ്ട് ക്രിക്കറ്റ് ടീമിന്റെ മുന്‍ നായകനും സൂപ്പര്‍ താരവുമായിരുന്ന കെവിന്‍ പീറ്റേഴ്‌സണും ദക്ഷിണാഫ്രിക്കയുടെ ടെസ്‌റ്റ് നായകന്‍ ഫാഫ് ഡു പ്ലെസിസിസുമാണ് ട്രംപിന്റെ ജയത്തില്‍ ഞെട്ടിയത്. ഇന്ത്യന്‍ ടെന്നീസ് താരം സാനിയ മിര്‍സയും വിഷയത്തില്‍ നയമറിയിച്ചു.
ഇതായിരുന്നില്ല സംഭവിക്കേണ്ടതെന്നായിരുന്നു പീറ്റേഴ്‌സണ്‍ ട്വീറ്റ് ചെയ്‌തത്. ഇതൊരിക്കലും സംഭവിക്കാന്‍ പാടില്ലായിരുന്നു എന്നും കെപി പറഞ്ഞു. തെരഞ്ഞെടുപ്പ് ഫലം വിശ്വസിക്കാന്‍ കഴിയുന്നില്ലെന്നായിരുന്നു ഡു പ്ലെസി പറഞ്ഞത്.
പ്രതികരിക്കാനില്ലെന്ന് സാനിയ മിര്‍സ പറഞ്ഞപ്പോള്‍ ട്രംപ് അമേരിക്കന്‍ പ്രസിഡന്റാകുന്നതില്‍ തൃപ്‌തിയില്ലെന്നാണ് മുന്‍ ഇംഗ്ലീഷ് ക്രിക്കറ്റ് താരമായ ഇസാ ഗുഹ പറഞ്ഞത്.
