മദ്യവും കഞ്ചാവും നൽകി എട്ടാം ക്ലാസുകാരനുമായി ലൈംഗികബന്ധം, മുൻ അധ്യാപിക അറസ്റ്റിൽ

ന്യൂയോര്‍ക്ക്: എട്ട് വര്‍ഷം മുന്‍പ് എട്ടാം ക്ലാസ് വിദ്യാര്‍ഥിയുമായി ലൈംഗികബന്ധം പുലര്‍ത്തിയ കേസില്‍ അധ്യാപിക അറസ്റ്റില്‍. മുപ്പത്തിയൊന്ന് കാരിയായ മെലിസ മേരി കര്‍ടിസാണ് അറസ്റ്റിലായത്. 2015ല്‍ മോണ്ട്‌ഗോമറി മിഡില്‍ സ്‌കൂള്‍ അധ്യാപികയായിരുന്നപ്പോഴാണ് കേസിനാസ്പദമായ സംഭവം നടന്നത്. തനിക്ക് 14 വയസ്സ് മാത്രം പ്രായമുണ്ടായിരുന്നപ്പോള്‍ ക്ലാസിലെ അധ്യാപികയായിരുന്ന മെലിസ തന്നെ തന്നെ ദുരുപയോഗം ചെയ്തുവെന്ന യുവാവിന്റെ പരാതിയിലാണ് അറസ്റ്റ്.

മെലിസയ്ക്ക് 22 വയസ്സ് പ്രായമുള്ളപ്പോള്‍ വിദ്യാര്‍ഥിക്ക് മദ്യവും കഞ്ചാവും നല്‍കി മയക്കിയശേഷം 20ലേറെ തവണ വിദ്യാര്‍ഥിയെ ദുരുപയോഗം ചെയ്തതായാണ് അന്വേഷണത്തില്‍ കണ്ടെത്തിയത്. 2015 ജനുവരി മുതല്‍ മേയ് വരെയുള്ള കാലയളവിലാണ് പീദനം നടന്നതെന്നും 2 വര്‍ഷക്കാലം മെലീസ് ഇതേ സ്‌കൂളില്‍ ടീച്ചറായിരുന്നുവെന്നും അന്വേഷണ സംഘം പറയുന്നു. മെലിസയുടെ വാഹനത്തില്‍ വെച്ചും വീട്ടില്‍ വെച്ചുമാണ് വിദ്യാര്‍ഥിയെ പീഡിപ്പിച്ചത്.

കേസില്‍ ഒക്ടോബര്‍ 31ന് മെലിസയ്‌ക്കെതിരെ അറസ്റ്റ് വാറന്റ് പുറപ്പെടുവിച്ചിരുന്നു. പരാതിക്കാരനെ കൂടാതെ മറ്റ് വിദ്യാര്‍ഥികളെയും മെലിസ ലൈംഗികമായി ദുരുപയോഗം ചെയ്തുവെന്നാണ് കരുതുന്നതെന്നും വിശദമായ അന്വേഷണം നടക്കുകയാണെന്നും മോണ്ട് ഗോമറി കൗണ്ടി പോലീസ് അറിയിച്ചു.