ഐഎസിൽ ചേർന്ന മലയാളി സ്ത്രീ അഫ്ഗാനിൽ കീഴടങ്ങിയതായി റിപ്പോർട്ട്; സംഘത്തിൽ സ്ത്രീകളും കുട്ടികളും അടക്കം 900 പേർ

കഴിഞ്ഞ 10 ദിവസങ്ങള്‍ക്കിടെ ഐഎസില്‍ ചേര്‍ന്നവരും ബന്ധമുള്ളവരുമായ അറുന്നൂറോളം പേരാണ് അഫ്ഗാന്‍ അധികൃതര്‍ക്കു മുന്നില്‍ കീഴടങ്ങിയത്.

അഫ്ഗാനിസ്താനില്‍ കഴിഞ്ഞ കുറച്ചു ദിവസങ്ങളിലായി കൂട്ടത്തോടെ കീഴടങ്ങിയ ഐഎസ് ബന്ധമുള്ളവരില്‍ മലയാളി സ്ത്രീയും ഉള്ളതായി റിപ്പോര്‍ട്ട്. കഴിഞ്ഞ 10 ദിവസങ്ങള്‍ക്കിടെ ഐഎസില്‍ ചേര്‍ന്നവരും ബന്ധമുള്ളവരുമായ അറുന്നൂറോളം പേരാണ് അഫ്ഗാന്‍ അധികൃതര്‍ക്കു മുന്നില്‍ കീഴടങ്ങിയത്. ഇതില്‍ സ്ത്രീകളും കുട്ടികളുമുണ്ട്.

കാസര്‍ഗോഡ് സ്വദേശിനിയായ ആയിഷ എന്ന സോണിയാ സെബാസ്റ്റിയന്‍ ആണ് ഇവരുടെ കൂട്ടത്തിലുള്ള മലയാളിയെന്ന് ഒരു ഉന്നത സര്‍ക്കാര്‍ ഉദ്യോഗസ്ഥന്‍ പറഞ്ഞതായി ‘ദ ഹിന്ദു’ റിപ്പോര്‍ട്ട് ചെയ്തു.

കീഴടങ്ങിയവരുടെ മുന്‍കാല ഫോട്ടോകള്‍ പരിശോധിച്ചെന്നും അതിലൊന്ന് സോണിയയാണെന്നുമാണ് ഉദ്യോഗസ്ഥന്‍ പറഞ്ഞത്. സോണിയ ഒരു കുട്ടിയുമായി ഇരിക്കുന്ന ചിത്രം ഇവര്‍ പരിശോധിച്ചതായും ഹിന്ദു റിപ്പോര്‍ട്ട് ചെയ്തു. എന്നാല്‍ അഫ്ഗാനില്‍ നിന്ന് ഇന്ത്യന്‍ അധികൃതര്‍ക്ക് ഇതുവരെ ഔദ്യോഗിക സ്ഥിരീകരണങ്ങളൊന്നും ലഭിച്ചിട്ടില്ല.