തിയേറ്ററിലെ കസേരയ്‌ക്കിടയില്‍ തല കുടുങ്ങി യുവാവ് മരിച്ചു
തിയേറ്ററിലെ കസേരയ്‌ക്കിടയില്‍ തല കുടുങ്ങി യുവാവ് മരിച്ചു
സിനിമാ തിയേറ്ററിലെ കസേരയ്‌ക്കിടയില്‍ തല കുടുങ്ങിയ യുവാവിന് ദാരുണാന്ത്യം. ബര്‍മിങ്ഹാം സിറ്റി എന്റര്‍ടെയ്ന്‍മെന്റ് കോംപ്ലക്‌സിലെ വ്യൂ സിനിമാ തീയേറ്ററില്‍ വെച്ചാണ് സംഭവം.
സിനിമ കാണുന്നതിനിടെ കൈയില്‍ നിന്നും ഫോണ്‍ സീറ്റിനുള്ളിലേക്ക് വീണതാണ് അപകടകാരണം. ഫോണ്‍ കുനിഞ്ഞ് എടുക്കാന്‍ ശ്രമിക്കുന്നതിനിടെ സീറ്റിനോട് ചേര്‍ന്നുള്ള ഇലക്‍ട്രോണിക് ഫൂട്ട്‌റെസ്‌റ്റ് യുവാവിന്റെ തലയിലേക്ക് വീണതോടെ തല സീറ്റിനുള്ളില്‍ കുടുങ്ങുകയായിരുന്നു.
അപകടത്തില്‍പ്പെട്ട യുവാവിനെ സുഹൃത്തുക്കളും സമീപത്തുണ്ടായിരുന്നവരും രക്ഷിക്കാന്‍ ശ്രമിച്ചെങ്കിലും സാധിച്ചില്ല. തുടര്‍ന്ന് ഫൂട്ട്‌റെസ്‌റ്റ് തകര്‍ത്ത ശേഷമാണ് യുവാവിനെ പുറത്തെടുത്തത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
തല കുടുങ്ങിയതിന് പിന്നാലെ ഫൂട്ട്‌റെസ്‌റ്റ് തലയിലേക്ക് വീണതോടെ ഇയാള്‍ക്ക് ഹൃദയസ്‌തംഭനമുണ്ടായി. ഇതാണ് മരണകാരണമായി പോസ്‌റ്റ് മോര്‍ട്ടം റിപ്പോര്‍ട്ടില്‍ വ്യക്തമാക്കുന്നത്. മാര്‍ച്ച് ഒമ്പതിനാണ് അപകടമുണ്ടായതെങ്കിലും വെള്ളിയാഴ്ചയാണ് മരണം സംഭവിച്ചത്‌.
