റിയോ: അമ്പെയ്ത്തിൽ ഇന്ത്യയുടെ അതനു ദാസ് ക്വാര്‍ട്ടറിൽ
അമ്പെയ്ത്തില്‍ ഇന്ത്യയുടെ അതാനു ദാസ് ക്വാര്‍ട്ടറില്‍
റിയോ ഒളിമ്പിക്സിന്റെ നാലാം നാൾ ഇന്ത്യയ്ക്ക് പ്രതീക്ഷകൾ നൽകുകയാണ്. പുരുഷന്മാരുടെ അമ്പെയത്ത് വ്യക്തിഗത വിഭാഗത്തില്‍ ഇന്ത്യയുടെ അതനു ദാസ് ക്വാര്‍ട്ടര്‍ ഫൈനലില്‍ പ്രവേശിച്ചു. പ്രീക്വാര്‍ട്ടറില്‍ ക്യൂബയുടെ ആന്ദ്രെ പെരെസ് പ്യൂന്റെസിനെയാണ് (6-4) അതനു തോല്‍പിച്ചത്. അവസാന സെറ്റില്‍ അവസാനത്തെ രണ്ട് അമ്പും കാളക്കണ്ണില്‍ തറച്ചതാണ് അതനുവിന് ക്വാര്‍ട്ടറിലേയ്ക്കുള്ള വഴി തുറന്നുകൊടുത്തത്. 28, 29, 26, 27, 29 എന്നിങ്ങിനെയാണ് അതനുവിന്റെ പോയിന്റുകള്‍.
നേരത്തെ പ്രീക്വാര്‍ട്ടറില്‍ നേപ്പാളിന്റെ ജിത്ബഹാദൂറിനെയാണ് അതാനുദാസ് തോല്‍പിച്ചത് (6-0).
ആഗസ്ത് പന്ത്രണ്ടിന് ദക്ഷിണ കൊറിയയുടെ സ്യുന്‍ഗ്യുന്‍ ലീയുമായാണ് അതനുവിന്റെ ക്വാര്‍ട്ടര്‍ പോരാട്ടം. ഹോക്കിയിൽ അർജന്റീനയെ തോൽപ്പിച്ച് ഇന്ത്യൻ പുരുഷ ടീം അടുത്ത പടിയിലേക്ക് നീങ്ങിയിരിക്കുകയാണ്. ബോക്സിങ്ങിൽ വികാസ് കൃഷ്ണ പ്രീക്വാർട്ടറിലും കയറി പറ്റി.
