ടോം ആന്റ് ജെറി സംവിധായകൻ യൂജീൻ മെറിൽ ഡീച്ച് അന്തരിച്ചു

ടോം ആൻഡ് ജെറി, പോപ്പോയി അനിമമേറ്റഡ് ചിത്രങ്ങളുടെ സംവിധായകനും ഓസ്കർ ജേതാവുമായി യൂജീൻ മെറിൽ ഡീച്ച് അന്തരിച്ചു. വ്യാഴാഴ്ച രാത്രിയോടെ പ്രാഗിലെ അപ്പാർട്ട്മെന്റിൽ വച്ചായിരുന്നു അന്ത്യം. 95 വയസായിരുന്നു. വാർധക്യസഹജമായ രോഗങ്ങളെ തുടർന്ന് കഴിഞ്ഞ കുറച്ച് മാസങ്ങളായി ചികിത്സയിലായിരുന്നു യൂജീൻ മെറിൽ ഡീച്ച്

ടോം ആൻഡ് ജെറി സിരീസിലെ 13 ചിത്രങ്ങളും, പോപോയി ദ് സെയിലർ പരമ്പരയിലെ ഏതാനും ചിത്രങ്ങളും ഇദ്ദേഹം സംവിധാനം ചെയ്തിട്ടുണ്ട്. മൺറോ എന്ന അനിമേറ്റഡ് ഷോർട്ട് ഫിലിമിനാണ് അദ്ദേഹത്തിന് ഓസ്കർ അവാർഡ് ലഭിച്ചത്. വ്യോമസേനയിൽ പൈലറ്റായി ജോലി ചെയ്തതിന് ശേഷമാണ് യൂജീൻ മെറിൽ ഡീച്ച് അനിമേഷൻ രംഗത്തേയ്ക്ക് എത്തുന്നത്.