ലണ്ടനിൽ ജങ്ങള്‍ക്കിടയിലേക്ക്​ വാൻ ഇടിച്ചു കയറി; നിരവധിപ്പേര്‍ക്കു പരുക്ക് - ഭീകരാക്രമണമെന്ന്​ സംശയം

ലണ്ടനിൽ ജങ്ങള്‍ക്കിടയിലേക്ക്​ വാൻ ഇടിച്ചു കയറി; നിരവധിപ്പേര്‍ക്കു പരുക്ക്

വടക്കൻ ലണ്ടനിലെ സെവൻ സിസ്റ്റേഴ്സ് റോഡിൽ ജനങ്ങൾക്കിടയിലേക്കു വാഹനം ഇടിച്ചു കയറി നിരവധി പേർക്ക്​ പരുക്ക്. പരുക്കേറ്റവരെ നഗരത്തിലെ വിവിധ ആശുപത്രികളില്‍ പ്രവേശിപ്പിച്ചു.

ഫിൻസ്​ബറി പാർക്ക്​ പള്ളിയിൽ റമദാ​​ന്റെ ഭാഗമായി പ്രാർഥന കഴിഞ്ഞ്​ ഇറങ്ങിയവര്‍ക്കു നേരെയാണ് ആക്രമണം.  നടന്നത് ഭീകരാക്രമണമാണോ എന്ന് സംശയിക്കുന്നു. സംഭവത്തിൽ ഒരാൾ അറസ്റ്റിലായതായി പോലീസ് അറിയിച്ചു.

ഉണ്ടായത് അപകടമല്ലെന്നും ആളുകളെ കൊല്ലാനുള്ള ശ്രമമാണെന്നും മുസ്ലീം കൗണ്‍സിൽ ഓഫ് ബ്രിട്ടൻ അറിയിച്ചു. എന്നാൽ പൊലീസ് ഇക്കാര്യത്തിൽ സ്ഥിരീകരണമൊന്നും നൽകിയിട്ടില്ല.