KL Rahul: രാഹുല്‍ ആര്‍സിബിയിലേക്ക്; നായകനാക്കണമെന്ന് കോലി

മൂന്ന് സീസണുകള്‍ക്ക് ശേഷമാണ് രാഹുല്‍ ലഖ്‌നൗ വിടുന്നത്

KL Rahul and Virat Kohli

KL Rahul: കെ.എല്‍.രാഹുല്‍ ലഖ്‌നൗ സൂപ്പര്‍ ജയന്റ്‌സ് വിടുന്നു. തന്റെ മുന്‍ ഫ്രാഞ്ചൈസിയായ റോയല്‍ ചലഞ്ചേഴ്‌സ് ബെംഗളൂരുവിലേക്കാണ് രാഹുല്‍ പോകുന്നത്. രാഹുലും ആര്‍സിബി മാനേജ്‌മെന്റും തമ്മില്‍ ചര്‍ച്ചകള്‍ പൂര്‍ത്തിയായതായാണ് വിവരം. 

മൂന്ന് സീസണുകള്‍ക്ക് ശേഷമാണ് രാഹുല്‍ ലഖ്‌നൗ വിടുന്നത്. രാഹുലിനെ നിലനിര്‍ത്താന്‍ ലഖ്‌നൗ മാനേജ്‌മെന്റിനും താല്‍പര്യമില്ല. 2022, 2023 സീസണുകളില്‍ ലഖ്‌നൗ പ്ലേ ഓഫില്‍ എത്തിക്കാന്‍ രാഹുലിന് സാധിച്ചിരുന്നു. 

2025 ലെ മെഗാ താരലേലത്തിനു മുന്നോടിയായി ഫാഫ് ഡു പ്ലെസിസിനെ ഒഴിവാക്കാന്‍ ആര്‍സിബി തീരുമാനിച്ചിട്ടുണ്ട്. പകരം വിരാട് കോലിയെ വീണ്ടും നായകനാക്കാമെന്നാണ് ഫ്രാഞ്ചൈസി തീരുമാനിച്ചത്. എന്നാല്‍ ക്യാപ്റ്റന്‍സി ഏറ്റെടുക്കാന്‍ കോലി സന്നദ്ധനായിട്ടില്ല. രാഹുല്‍ തിരിച്ചെത്തുകയാണെങ്കില്‍ ക്യാപ്റ്റന്‍സി നല്‍കണമെന്നാണ് കോലിയുടെ നിലപാട്. കോലിയുടെ കൂടെ പിന്തുണയുള്ളതിനാല്‍ രാഹുല്‍ നായകസ്ഥാനത്തേക്ക് എത്താനാണ് സാധ്യത.