ഇന്ത്യന്‍ പ്രീമിയര്‍ ലീഗില്‍ അഞ്ചാം ഐപിഎല്‍ കിരീടം നേടിയ മഹേന്ദ്രസിംഗ് ധോനിയെ പുകഴ്ത്തി മുന്‍ ഇന്ത്യന്‍ പരിശീലകനായ രവിശാസ്ത്രി. തന്റെ നാല്‍പ്പത്തിയൊന്നാം വയസ്സിലും ഐപിഎല്‍ ഉയര്‍ത്താന്‍ ധോനിക്ക് കഴിഞ്ഞ പോലെ മറ്റേതെങ്കിലും താരത്തിനാകുമോ എന്നും ശാസ്ത്രി ചോദിക്കുന്നു.
ചെന്നൈയിലും തമിഴ്‌നാടിലും തല എന്നാണ് ധോനി അറിയപ്പെടൂന്നത്. ജാര്‍ഖണ്ഡില്‍ നിന്നും വന്ന ഒരാള്‍ക്ക് ദക്ഷിണേന്ത്യയില്‍ പോലും ലഭിക്കുന്ന സ്വീകാര്യതയും ബഹുമാനവും ധോനിയുടെ മഹത്വത്തെയാണ് വ്യക്തമാക്കുന്നത്. ഐപിഎല്ലില്‍ മുംബൈ ഇന്ത്യന്‍സ് നായകനായ രോഹിത് ശര്‍മയ്ക്ക് ശേഷം അഞ്ച് തവണ കിരീടം സ്വന്തമാക്കിയ താരമാണ് ധോനി. 2010.11.18.21.23 വര്‍ഷങ്ങളിലാണ് ചെന്നൈ ധോനിയുടെ നായകത്വത്തിന് കീഴില്‍ ഐപിഎല്‍ കിരീടം സ്വന്തമാക്കിയത്.
