മറ്റുള്ളവരുടെ ചവറ് ചിലർക്ക് നിധിയാണ്, യാഷ് ദയാലിനെതിരെ അധിക്ഷേപ പരാമർശവുമായി മുരളി കാർത്തിക്, വായടപ്പിക്കുന്ന മറുപടി നൽകി ആർസിബി

Yash Dayal,RCB

ഐപിഎല്ലില്‍ റോയല്‍ ചലഞ്ചേഴ്‌സ് ബെംഗളുരു പഞ്ചാബ് കിംഗ്‌സ് മത്സരത്തിന്റെ കമന്ററിക്കിടെ മുന്‍ ഇന്ത്യന്‍ താരം മുരളി കാര്‍ത്തിക് നടത്തിയ പരാമര്‍ശം വിവാദത്തില്‍. മത്സരത്തില്‍ ആര്‍സിബിക്കായി യാഷ് ദയാല്‍ പന്തെറിയാനെത്തിയപ്പോഴാണ് ചിലരുടെ ചവറ് ചിലര്‍ക്ക് നിധിയാണെന്ന് പരാമര്‍ശം മുരളി കാര്‍ത്തിക് നടത്തിയത്. കഴിഞ്ഞ ഐപിഎല്‍ സീസണില്‍ കൊല്‍ക്കത്ത നൈറ്റ് റൈഡേഴ്‌സിന് അവസാന ഓവറില്‍ 29 റണ്‍സ് വേണമെന്ന ഘട്ടത്തില്‍ ഗുജറാത്തിനായി പന്തെറിഞ്ഞ യാഷ് ദയാല്‍ ആദ്യ അഞ്ച് പന്തില്‍ തന്നെ 30 റണ്‍സ് വിട്ടുകൊടുത്തിരുന്നു. ഈ മത്സരത്തിന്റെ ആഘാതത്തെ തുടര്‍ന്ന് പിന്നീടുള്ള മത്സരങ്ങളില്‍ യാഷ് ദയാല്‍ കാര്യമായി കളിച്ചിരുന്നില്ല.