Tim David Fined: 'തമാശക്കളി കുറച്ച് കൂടിപ്പോയി'; അംപയർ ചോദിച്ചിട്ടും ബോൾ കൊടുത്തില്ല, ടിം ഡേവിഡിനു ലക്ഷങ്ങൾ പിഴ !

മത്സരത്തിന്റെ ഒന്നാം ഇന്നിങ്‌സിൽ ആർസിബിക്കു വേണ്ടി ബാറ്റ് ചെയ്യുന്ന സമയത്ത് ടിം ഡേവിഡ് ബോൾ പരിശോധന നടത്തിയിരുന്നു

Tim David

Tim David Fined: ഐപിഎല്ലിലെ റോയൽ ചലഞ്ചേഴ്‌സ് ബെംഗളൂരുവിന്റെ ഓസ്‌ട്രേലിയൻ താരം ടിം ഡേവിഡിനു പിഴ. മുംബൈ ഇന്ത്യൻസിനെതിരായ മത്സരത്തിൽ ഐപിഎൽ പെരുമാറ്റച്ചട്ടം ലംഘിച്ചതിനാണ് താരത്തിനു പിഴയിട്ടിരിക്കുന്നത്. ഫീൽഡ് അംപയറുടെ നിർദേശം അനുസരിച്ചില്ലെന്നതാണ് കുറ്റം. 

മത്സരത്തിന്റെ ഒന്നാം ഇന്നിങ്‌സിൽ ആർസിബിക്കു വേണ്ടി ബാറ്റ് ചെയ്യുന്ന സമയത്ത് ടിം ഡേവിഡ് ബോൾ പരിശോധന നടത്തിയിരുന്നു. പന്തിന്റെ വ്യതിയാനം പരിശോധിക്കുകയായിരുന്നു താരം. ഫീൽഡ് അംപയർമാരായ കണ്ണൂർ സ്വരൂപാനന്ദ്, വിരേന്ദർ ശർമ എന്നിവർ ടിം ഡേവിഡിന്റെ കൈയിൽ നിന്ന് ബോൾ വാങ്ങാൻ ശ്രമിച്ചെങ്കിലും താരം കൊടുത്തില്ല. 

മുംബൈ ഇന്ത്യൻസ് നായകൻ ഹാർദിക് പാണ്ഡ്യക്ക് കുറഞ്ഞ ഓവർ നിരക്കിന്റെ പേരിൽ 12 ലക്ഷം പിഴ ചുമത്തിയിട്ടുണ്ട്.