മനുഷ്യരില്‍ ഈശ്വരനെത്തുമ്പോള്‍ !
നിങ്ങള്‍ മനുഷ്യരില്‍ ദേവിയുടെ പ്രതിരൂപം കണ്ടിട്ടുണ്ടോ? ദൈവം ആവേശിച്ചയാളുകള്‍ക്ക് കനലിനു മീതെ നടക്കാനാവുമോ? ദേവി സ്വശരീരത്തില്‍ ആവേശിക്കുമെന്നും അത് മറ്റ് ഭക്തരുടെ പ്രശ്നങ്ങള്‍ക്ക് പരിഹാരം കാണാന്‍ സഹായിക്കുമെന്നും കരുതുന്ന ചിലരുടെ അടുത്തേക്കാണ് ഇത്തവണ ‘വിശ്വസിച്ചാലും ഇല്ലെങ്കിലും’ പരമ്പരയിലൂടെ ഞങ്ങള്‍ നിങ്ങളെ കൊണ്ടു പോവുന്നത്. ഫോട്ടോഗാലറി
മധ്യപ്രദേശിലെ ഇന്‍ഡോറിലെ ഒരു ദുര്‍ഗ്ഗാ ക്ഷേത്രത്തിലാണ് ഈ വിചിത്രമായ സംഭവം നടക്കുന്നത്. ഇവിടുത്തെ ആരതിക്ക് ശേഷം ചില സ്ത്രീകളിലും പുരുഷന്‍‌മാരിലും ദേവി ആവേശിക്കുന്നത് വളരെ സാധാരണ സംഭവമാണ്. ദൈവം ആവേശിച്ചു കഴിഞ്ഞാല്‍ വിചിത്രമായി പെരുമാറാന്‍ തുടങ്ങുന്ന ഇവര്‍ മറ്റ് വിശ്വാസികളെ അനുഗ്രഹിക്കുകയും ചെയ്യും. ഇവരില്‍ ചിലര്‍ നാവില്‍ കര്‍പ്പൂരം കത്തിച്ചു വച്ച് ദുര്‍ഗ്ഗയെ ആരാധിക്കുമ്പോള്‍ മറ്റു ചിലര്‍ കൈകളിലായിരിക്കും കര്‍പ്പൂരം കത്തിച്ചു വയ്ക്കുക.ഇതൊന്നുമല്ല അത്ഭുതം, ദുര്‍ഗ്ഗയെ കൂടാതെ കാലഭൈരവനും ചിലരില്‍ ആവേശിക്കാറുണ്ട്. ഈ അവസരത്തില്‍ അവര്‍ നൃത്തം ചെയ്യാനും കനലിനു മീതെ നഗ്നപാദരായി നടക്കാനും തുടങ്ങും. ദേവി ദുര്‍ഗ്ഗയുടെ പ്രീതി ലഭിക്കാനും അതുവഴി അനുഗൃഹീതരാവാനും വേണ്ടി മറ്റ് ഭക്തര്‍ ഇവര്‍ക്ക് വേണ്ട സൌകര്യങ്ങളും ചെയ്തു കൊടുക്കുന്നു.
ഇത്തരത്തിലുള്ള ആരാധന വിശ്വാസത്തിന്‍റെ പാരമ്യതയായി കരുതാനാവുമോ. ഇത് യഥാര്‍ത്ഥ വിശ്വാസമാണോ അതോ മറ്റ് ഭക്തരെ ആകര്‍ഷിക്കാനുള്ള മാര്‍ഗ്ഗമാണോ? എന്താണ് നിങ്ങളുടെ അഭിപ്രായം. ഞങ്ങള്‍ക്ക് എഴുതുക.
Follow Webdunia malayalam
