ഹോണർ 9 എക്സ് ലൈറ്റ് വിപണിയിൽ, സ്മാർട്ട്ഫോണിനെ കുറിച്ച് അറിയൂ

ഹോണർ 9 എക്സ് ലൈറ്റ് എന്ന പുതിയ മിഡ് റേഞ്ച് സ്മാർട്ട്ഫ്പ്പോൺ വിപണിയിൽ അവതരിപ്പിച്ചിരിയ്ക്കുകയാണ് ഹോണർ. ഈ വർഷം ആദ്യം ഇന്ത്യയിൽ അവതരിപ്പിച്ച ഹോണർ 9 എക്‌സിന്റെ ലൈറ്റ് വേരിയന്റാണ് 9 എക്സ് ലൈറ്റ്. ഫിൻ‌ലാൻഡിലാണ് കമ്പനി ഹോണർ 9 എക്സ് ലൈറ്റ് അവതരിപ്പിച്ചത്. 4 ജിബി റാം 128 ജിബി സ്റ്റോറേജ് വേരിയന്റിലാണ് സ്മാർട്ട്ഫോൺ അവതരിപ്പിച്ചിരിയ്ക്കുന്നത്. 

6.5 ഇഞ്ച് ഫുൾ എച്ച്ഡി പ്ലസ് 2.5 ഡി കർവ്ഡ് ഗ്ലാസ് ഡിസ്‌പ്ലേയാണ് ഹോണർ 9 എക്സിൽ നൽകിയിട്ടുള്ളത്. 48 മെഗാപിക്ല്സലിന്റെ പ്രൈമറി സെൻസറും, 2 മെഗാപിക്സലിന്റെ സെക്കൻഡറി സെൻസറും ഉൾപ്പെടുന്ന ഡ്യുവൽ റിയർ ക്യാമറകളാണ് സ്മാർട്ട്ഫോണിൽ ഉള്ളത്. 16 മെഗാപിക്സലാണ് സെൽഫി ക്യാമറ. ഒക്ടാകോർ കിരിൻ 710 പ്രൊസസറാണ് സ്മാർട്ട്ഫോണിന് കരുത്ത് പകരുന്നത്. 3,750 എംഎഎച്ചാണ് ബാറ്ററി ബാക്കപ്പ്.