മൈക്രോസോഫ്റ്റിലും കൂട്ടപിരിച്ചുവിടൽ, പതിനായിരത്തിലധികം ജീവനക്കാർക്ക് തൊഴിൽ നഷ്ടമാകുമെന്ന് റിപ്പോർട്ട്

ടെക് കമ്പനികളിലെ വ്യാപകമായ പിരിച്ചുവിടൽ തുടരുന്നു. അവസാനമായി ടെക് ഭീമനായ മൈക്രോസോഫ്റ്റ് തങ്ങളുടെ പതിനായിരത്തിലധികം ജീവനക്കാരെ പിരിച്ചുവിടുമെന്നാണ് റിപ്പോർട്ടുകൾ പറയുന്നു. നേരത്തെ മെറ്റ, ട്വിറ്റർ,ആമസോൺ തുടങ്ങിയ സ്ഥാപനങ്ങൾ തങ്ങളുടെ ജീവനക്കാരെ പിരിച്ചുവിട്ടിരുന്നു.

കമ്പനിയുടെ ആകെ ജീവനക്കാരിൽ 5 ശതമാനത്തിനാണ് ഈ ആഴ്ച ജോലി നഷ്ടമാവുക. ആകെ 2,20,000 ജീവനക്കാരാണ് മൈക്രോസോഫ്റ്റിലുള്ളത്. അഞ്ച് ശതമാനം ജീവനക്കാരെന്നാൽ 11,000ത്തോളം പേർക്ക് ജോലി നഷ്ടമാകും. കഴിഞ്ഞ ഒക്ടോബറിൽ 1000 ജീവനക്കാരെ കമ്പനി പുറത്താക്കിയിരുന്നു.