ഇന്ത്യൻ വിപണിയിൽ വീണ്ടും വലിയ മുന്നേറ്റത്തിനായി തയ്യാറെടുക്കുകയാണ് ചൈനീസ് സ്മാർട്ട്‌ഫോൺ നിർമ്മാതാക്കളായ റിയൽമി. 48 മെഗാപിക്സൽ പ്രൈമറി സെൻസർ ഉൾപ്പെടൂന്ന ക്വാഡ് ക്യാമറ സ്മാർട്ട്‌ഫോൺ റിയൽമി ഓഗസ്റ്റ് 20ന് ഇന്ത്യൻ വിപണിയിൽ അവതരിപ്പിക്കും. റിയൽമി 5, റിയൽമി 5 പ്രോ എന്നീ സ്മാർട്ട്‌ഫോണുകളാണ് ഇന്ത്യയിൽ എത്തുന്നത്.
റിയൽമി 5ന് ഇന്ത്യയിൽ 10,000 രൂപയിൽ താഴെയായിരിക്കും വില. റിയൽമി ഇന്ത്യ മേധാവി മാധവ് സേത്ത് അണ് ഇക്കാര്യം വ്യക്തമാക്കിയത്. 10000 രൂപക്കുള്ളിൽ വില വരുന്ന ലോകത്തിലെ ആദ്യ ക്വാഡ് കോർ ക്യാമറ സ്മാട്ട്‌ഫോണാണ് തങ്ങൾ ഇന്ത്യയിൽ പുറത്തിറക്കുന്നത് എന്നാണ് മാധവ് സേത്ത് ട്വിറ്ററിലൂടെ പങ്കുവച്ചിരിക്കുന്നത്.