16എംപി സെല്‍ഫി ക്യാമറ, 256ജിബി സ്റ്റോറേജ്; ചരിത്രം തിരുത്താന്‍ വിവോ Y66 !

വിവോ Y66, 16എംപി സെല്‍ഫി ക്യാമറയുമായി ഇന്ത്യയില്‍ എത്തി!

സെല്‍ഫി ക്യാമറകളുടെ ചരിത്രം തന്നെ മാറ്റിയെഴുതിയ വിവോ തങ്ങളുടെ മറ്റൊരു തകര്‍പ്പന്‍ സെല്‍ഫി ക്യാമറ സ്മാര്‍ട്ട്‌ഫോണുമായി എത്തിയിരിക്കുന്നു. വിവോ Y66 എന്ന പേരിലാണ് പുതിയ ഫോണ്‍ അവര്‍ വിപണിയിലെത്തിച്ചിരിക്കുന്നത്. ഈ മിഡ്‌റേഞ്ച് ആന്‍ഡ്രോയിഡ് സ്മാര്‍ട്ട്‌ഫോണിന് ഇന്ത്യന്‍ മാര്‍ക്കറ്റില്‍ ഏകദേശം 14,999 രൂപയാണ് വിലയെന്നാണ് റിപ്പോര്‍ട്ടുകള്‍.

5.5ഇഞ്ച് എച്ച്ഡി ഐപിഎസ് എല്‍സിഡി ടച്ച് സ്‌ക്രീന്‍ ഡിസ്‌പ്ലേയുള്ള ഈ ഫോണിന് 7720X 1280 സ്‌ക്രീന്‍ റെസൊല്യൂഷനും 267 പിക്‌സല്‍ ഡെന്‍സിറ്റിയുമാണുള്ളത്. ഒക്ടോകോര്‍ 64 ബിറ്റ് പ്രോസസറാണ് ഫോണിന് കരുത്തേകുന്നത്. മൂന്ന് ജിബി റാം, മൈക്രോ എസ്ഡി കാര്‍ഡ് വഴി 256ജിബി വരെ എക്‌സ്പാന്‍ഡ് ചെയ്യാന്‍ കഴിയുന്ന 32ജിബി ഇന്റേര്‍ണല്‍ സ്‌റ്റോറേജ് എന്നീ സവിശേഷതകളും ഈ ഫോണിലുണ്ട്.   

ആന്‍ഡ്രോയിഡ് 6.0.1 മാര്‍ഷ്മലോ ഓപ്പറേറ്റിങ്ങ് സിസ്റ്റമാ‍ണ് ഫോണിനുള്ളത്. 13 എംപി റിയര്‍ ക്യാമറ, 16 എംപി സെല്‍ഫി ക്യാമറ, എല്‍ഇഡി ഫ്‌ളാഷ്, ഓട്ടോ ഫോക്കസ്, ഡിജിറ്റല്‍ സൂം, ഫേസ് ഡിറ്റക്ഷന്‍, ടച്ച് ഫോക്കസ്, 3000എംഎഎച്ച് നോണ്‍ റിമൂവബിള്‍ ബാറ്ററി, ഡ്യുവല്‍ സിം, 3ജി/4ജി, ബ്ലൂട്ടൂത്ത്, എന്‍എഫ്‌സി, വൈഫൈ, ജിപിഎസ് എന്നീ കണക്ടിവിറ്റികളും ഈ ഫോണില്‍ ഉള്‍പ്പെടുത്തിയിട്ടുണ്ട്.