ജനകീയസമരങ്ങളെ അടിച്ചമർത്തുന്നത് ഇടതുസർക്കാരിന് ചേർന്ന നയമല്ലെന്ന് വിഎസ്; വിഴിഞ്ഞത്ത് സമരം അവസാനിപ്പിച്ചാൽ മാത്രമേ ചർച്ചയുള്ളു എന്ന നിലപാട് പുനഃപരിശോധിക്കണം

ജനകീയസമരങ്ങളെ അടിച്ചമർത്തുന്നത് ഇടതുസർക്കാരിന് ചേർന്ന നയമല്ലെന്ന് വിഎസ്

ജനകീയ സമരങ്ങളെയെല്ലാം പൊലീസിനെ ഉപയോഗിച്ച് അടിച്ചമർത്തുന്ന രീതി ഇടതുപക്ഷ സർക്കാരിന് ചേർന്നതല്ലെന്ന് ഭരണപരിഷ്കാര കമ്മിഷൻ അദ്ധ്യക്ഷൻ വി എസ്.അച്യുതാനന്ദൻ. മലപ്പുറത്തെ ഗെയ്ൽ വാതക പൈപ്പ്‌ലൈന്‍ സമരം സംഘർഷത്തിലേക്ക് വഴിമാറിയിരിക്കുന്ന സാഹചര്യത്തിലാണ് വി എസിന്റെ പ്രതികരണം. 

കിടപ്പാടം നഷ്ടപ്പെടുമെന്ന ഭീതിയില്‍ ജനങ്ങൾ വിഴിഞ്ഞത്തും മറ്റിടങ്ങളിലും നടത്തുന്ന സമരം ഒത്തുതീർപ്പാക്കാൻ സർക്കാർ അടിയന്തരമായി ഇടപെടണമെന്നും വി.എസ് ആവശ്യപ്പെട്ടു. വിഴിഞ്ഞത്ത് സമരം അവസാനിപ്പിച്ചാൽ മാത്രമേ ചർച്ചയുള്ളു എന്ന നിലപാട് പുനഃപരിശോധിക്കണമെന്നും അദ്ദേഹം ആവശ്യപ്പെട്ടു.