സ്ത്രീ പുരുഷന്റെ ചങ്കാണ്, ഹൃദയത്തിലാണ് സ്ഥാനം, തലയില്‍ അല്ല: പി സി ജോര്‍ജിന്റെ വാക്കുകള്‍ ആര്‍ക്കു നേരെ?

കുടുംബത്തില്‍ പിറന്ന സ്ത്രീകള്‍ സ്ത്രീസമത്വം പറയാന്‍ പോകില്ല: പി സി ജോര്‍ജ്

കുടുംബത്തില്‍ പിറന്ന നല്ല സ്ത്രീകള്‍ ഒരിക്കലും സ്ത്രീസമത്വം പറയാന്‍ മുന്നോട്ട് വരികയോ ചന്തപ്പണിക്ക് പോവുകയോ ചെയ്യില്ലെന്ന് പൂഞ്ഞാഎ എം എല്‍ എ പിസി ജോര്‍ജ്. സ്ത്രീ പുരുഷന്റെ ചങ്കാണെന്നും ഹൃദയത്തിലാണ് അവരുടെ സ്ഥാനമെന്നും പിസി പറയുന്നു. ജനപക്ഷം ജില്ലാ നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

പുരുഷന്റെ ഹൃദയത്തിലാണ് സ്ത്രീയുടെ സ്ഥാനം അല്ലാതെ തലയില്‍ അല്ല. കുരങ്ങ് വേണോ മനുഷ്യന്‍ വേണോ എന്നു ചോദിച്ചാല്‍ കുരങ്ങ് മതി എന്നു പറയുന്നവരാണ് അതിരപ്പിള്ളി പദ്ധതിക്ക് എതിരു നില്‍ക്കുന്നതെന്നും പിസി പറഞ്ഞു. അതിരപ്പള്ളി വിഷയത്തില്‍ കാനത്തെ പിണറായി പറഞ്ഞു മനസിലാക്കണമെന്നും അദ്ദേഹം പറഞ്ഞു.