‘അയാള്‍ കഥയെഴുതുകയാണ്, മാഡത്തെപറ്റിയുള്ള കഥ’ - ഇത് സുനിയുടെ കളിയോ?
മാഡത്തെ കുറിച്ച് എഴുതിത്തുടങ്ങി, നടിയാരാണെന്ന് പിന്നെ പറയാമെന്ന് പള്‍സര്‍ സുനി; എല്ലാം സസ്പെന്‍സോ?
കൊച്ചിയില്‍ നടി ആക്രമിക്കപ്പെട്ട സംഭവത്തില്‍ തുടക്കം മുതല്‍ കേള്‍ക്കുന്ന കഥാപാത്രമാണ് ’മാഡം‘. ഓരോ തവണ ജയിലില്‍ നിന്നും പുറത്തേക്കിറക്കുമ്പോഴും പള്‍സര്‍ സുനി മാഡമുണ്ടെന്ന് പറയും. അപ്പോഴൊക്കെ അത് സുനിയുടെ ഭാവനയില്‍ വിരിഞ്ഞ കഥാപാത്രമാണെന്ന് പൊലീസ് തിരുത്തും. ഈ കളി കേരള ജനത കാണാന്‍ തുടങ്ങിയിട്ട് ഒരു മാസം കഴിഞ്ഞു.
ഇപ്പോഴിതാ, കേരളം അന്വേഷിക്കുന്ന മാഡത്തെ കുറിച്ച് താന്‍ എഴുതിത്തുടങ്ങിയെന്ന് സുനി പറയുന്നു. ‘മാഡ’ത്തെക്കുറിച്ച് എഴുതാന്‍ തുടങ്ങിയിട്ടുണ്ട്. എഴുതും. ആളാരാണെന്ന കാര്യം പിന്നീട് പറയാം.’’ എന്ന് സുനി പറഞ്ഞതായി മനോരമ റിപ്പോര്‍ട്ട് ചെയ്യുന്നു.
സുനിയെ പൊലീസ് വിയ്യൂര്‍ സെന്‍ട്രല്‍ ജയിലിലേക്കു മാറ്റി. ജയില്‍ ഗാര്‍ഡ് ഓഫിസിനു സമീപത്തെ എ ബ്ലോക്കിലെ നാലാം നമ്പര്‍ മുറിയിലാണ് സുനിയെ പാര്‍പ്പിക്കുന്നത്. കാക്കനാട് ജയിലില്‍ തന്നെ ഉപദ്രവിക്കുന്നതായി അങ്കമാലി കോടതിയില്‍ൽ പരാതിപ്പെട്ടതിനെത്തുടര്‍ന്നാണ്സുനിയെ വിയ്യൂര്‍ ജയിലിലേക്കു മാറ്റിയത്. അതേസമയം, ഇത് പൊലീസിന്റെ കളിയാണോ എന്നും സംശയമുണ്ട്.
