കൊല്ലം കുരീപ്പുഴയില്‍ 11 വയസുകാരിയായ പെണ്‍കുട്ടിയെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. കുരീപ്പുഴ തെക്കേച്ചിറ സ്വദേശി അവന്തികയെയാണ് മുറിക്കുള്ളില്‍ മരിച്ച നിലയില്‍ കണ്ടെത്തിയത്. വീട്ടിലെ ജനല്‍ കമ്പിയില്‍ തൂങ്ങിയ നിലയിലായിരുന്നു.
വീട്ടില്‍ മറ്റാരും തന്നെ ഇല്ലാതിരുന്ന സമയത്താണ് സംഭവം. വീട്ടില്‍ നിന്നും പെണ്‍കുട്ടി എഴുതിയതെന്ന് കരുതുന്ന കുറിപ്പ് ലഭിച്ചിട്ടുണ്ട്. രക്ഷിതാക്കള്‍ വഴക്ക് പറഞ്ഞതായാണ് ഇതില്‍ എഴുതിയിട്ടുള്ളതെന്ന് പോലീസ് വ്യക്തമാക്കി. സംഭവത്തില്‍ അഞ്ചാലുമൂട് പോലീസ് അന്വേഷണം ആരംഭിച്ചു.
