സംസ്ഥാനത്ത് രണ്ട് കോവിഡ് മരണം കൂടി; മരിച്ചത് കാസർഗോഡ് പാലക്കാട് സ്വദേശികള്‍

സംസ്ഥാനത്ത് ഇന്ന് രണ്ട് കോവിഡ് മരണം കൂടി. കാസര്‍കോടും പാലക്കാടുമാണ് കൊവിഡ് മരണം റിപ്പോർട്ട് ചെയ്തത്. പടന്നക്കാട് സ്വദേശിനി 75 കാരിയായ നബീസയാണ് കാസര്‍കോട് മരിച്ചത്. കൊല്ലങ്കോട് സ്വദേശിനി അഞ്ജലി പാലക്കാട് ജില്ലാ ആശുപത്രിലും മരണപ്പെട്ടു. ഇവർ കടുത്ത പ്രമേഹ രോഗിയായിരുന്നു. എന്നാൽ പ്രമേഹ രോഗം ഇവർ തിരിച്ചറിഞ്ഞിരുന്നില്ല എന്ന് ലക്കാട് ഡിഎംഒ പറഞ്ഞു. 

ഇന്ന് പുലര്‍ച്ചെ പാലക്കാട് ജില്ലാ ആശുപത്രിയില്‍ വെച്ചാണ് അഞ്ജലി മരണപ്പെട്ടത്.വീട്ടിലെ കുളിമുറിയില്‍ കുഴഞ്ഞുവീണതിനെ തുടര്‍ന്ന് അഞ്ജലിയെ ഞായറാഴ്ചയാണ് ആശുപത്രിയില്‍ പ്രവേശിപ്പിച്ചത്. ഈ മാസം ആദ്യമാണ് അഞ്ജലി തിരുപ്പൂരില്‍ നിന്ന് മകനോടൊപ്പം ബൈക്കില്‍ വീട്ടിലെത്തിയത്. ക്വാറന്റീന്‍ കാലാവധി കഴിയുന്ന ദിവസം ഇവര്‍ കുഴഞ്ഞുവീഴുകയായിരുന്നു. തുടര്‍ന്ന് നടത്തിയ പരിശോധനയിലാണ് കോവിഡ് ബാധിച്ചതായി കണ്ടെത്തിയത്. മകന്റെ പരിശോധന ഫലം വന്നിട്ടില്ല. 

പരിയാരം മെഡിക്കൽ കോളേജിൽ ചികിത്സയിലിരിയ്ക്കെയാണ് കാസർഗോഡ് പന്നക്കാട് സ്വദേശിനി നബീസ മരിച്ചത്. കൊവിഡ് സ്ഥിരീകരിച്ചതോടെ കാഞ്ഞങ്ങാട് ജില്ലാ ആശുപത്രിയിലാണ് നബീസയെ പ്രവേശിപ്പിച്ചിരുന്നത്. എന്ന സ്ഥിതി വഷളായതിനെ തുടർന്ന് പരിയാരം മെഡിക്കൽ കോളേജിലേയ്ക്ക് മാറ്റുകയായിരുന്നു.