ബോണസിലും ഒന്നാമത് തന്നെ, ബെവ്കോ ജീവനക്കാർക്ക് ഓണം ബോണസായി കൊടുക്കുന്നത് 95,000 രൂപ!

ഓണക്കാലത്ത് ബിവറേജസ് കോര്‍പ്പറേഷന്‍ ജീവനക്കാര്‍ക്ക് റെക്കോര്‍ഡ് ബോണസ്. ഈ ഓണക്കാലത്ത് 95,000 രൂപയാണ് ജീവനക്കാര്‍ക്ക് ബോണസായി ലഭിക്കുക. കഴിഞ്ഞ വര്‍ഷം ഇത് 90,000 രൂപയായിരുന്നു. കേരളത്തില്‍ സര്‍ക്കാര്‍ ജീവനക്കാര്‍ക്ക് നല്‍കിയിട്ടുള്ളതില്‍ ഏറ്റവും ഉയര്‍ന്ന ബോണസാണിത്.

സര്‍ക്കാരിന്റെ ബോണസ് പരിധി കടക്കാതിരിക്കാന്‍ പെര്‍ഫോമന്‍സ് ഇന്‍സെന്റീവ്,എക്‌സ്‌ഗ്രേഷ്യ എന്നിങ്ങനെ വേര്‍തിരിച്ചാകും നല്‍കുക. ഓഫീസിലും ഔട്ട്ലറ്റിലുമായി 5,000 ജീവനക്കാരാണ് ബെവ്‌കോയിലുള്ളത്. സ്വീപ്പര്‍ തസ്തികയിലുള്ളവര്‍ക്ക് 5,000 രൂപ ബോണസായി ലഭിക്കും. എക്‌സൈസ് മന്ത്രിയുടെ ചേംബറില്‍ നടന്ന ചര്‍ച്ചയിലാണ് ബോണസ് തീരുമാനമായത്.