മലപ്പുറത്ത് നിര്‍ത്തിയിട്ടിരുന്ന കാര്‍ ചരിവിലൂടെ നീങ്ങി കുട്ടികളെ ഇടിച്ചു, രണ്ട് വയസ്സുകാരന് ദാരുണാന്ത്യം
വാക്കലൂരിലെ ഒരു ബന്ധുവിന്റെ വീട്ടില്‍ മറ്റ് കുട്ടികളോടൊപ്പം കളിച്ചുകൊണ്ടിരിക്കുകയായിരുന്നു കുട്ടി.
പാര്‍ക്ക് ചെയ്തിരുന്ന കാര്‍ താഴേക്ക് മറിഞ്ഞ് രണ്ടര വയസ്സുകാരന് ദാരുണമായി മരിച്ചു. കിഴുപറമ്പ് പഞ്ചായത്തിലെ കുറ്റൂളിയിലെ മാട്ടുമ്മല്‍ ഷിഹാബിന്റെ മകന്‍ മുഹമ്മദ് സാസിന്‍ ആണ് കൊല്ലപ്പെട്ടത്. ഇന്നലെ വൈകുന്നേരം 4 മണിയോടെയാണ് സംഭവം. വാക്കലൂരിലെ ഒരു ബന്ധുവിന്റെ വീട്ടില്‍ മറ്റ് കുട്ടികളോടൊപ്പം കളിച്ചുകൊണ്ടിരിക്കുകയായിരുന്നു കുട്ടി.
അയല്‍പക്കത്തെ വീട്ടില്‍ പാര്‍ക്ക് ചെയ്തിരുന്ന കാര്‍ കളിച്ചുകൊണ്ടിരുന്ന കുട്ടികളുടെ നേരെ താഴേക്ക് മറിഞ്ഞു. മുതിര്‍ന്ന കുട്ടികള്‍ കാര്‍ വരുന്നത് കണ്ട് ഓടിയതിനാല്‍ രക്ഷപ്പെട്ടു. എന്നാല്‍ കുഞ്ഞിന് ഓടാന്‍ കഴിയാതെ വന്നതോടെ കാര്‍ കുഞ്ഞിന്റെ മുകളിലൂടെ ഇടിച്ചുകയറുകയായിരുന്നു.
