കൊച്ചിയില്‍ നടി ആക്രമിക്കപ്പെട്ട കേസില്‍ കൃത്യമായ നിലപാടെടുത്ത വ്യക്തിയാണ് സംവിധായകന്‍ ആഷിക് അബു. ആക്രമിക്കപ്പെട്ട നടിയോടൊപ്പമാണ് താനെന്നാണ് അദ്ദേഹം പറഞ്ഞിരുന്നത്. കഴിഞ്ഞ ദിവസം ദിലീപിനെ അനുകൂലിച്ച് സെബാസ്റ്റ്യന്‍ പോള്‍ ഒരു ലേഖനം എഴുതിയപ്പോള്‍ അതിനെ രൂക്ഷമായി വിമര്‍ശിച്ചും ആഷിക് അബു രംഗത്തെത്തി.
എന്നാല്‍ ഇപ്പോള്‍ ആഷിക് അബുവിനെതിരെ പല സംശയങ്ങളും ആരോപണങ്ങളും ഉന്നയിച്ച് രംഗത്തെത്തിയിരിക്കുകയാണ് ദിലീപിന്റെ ആരാധകര്‍. ദിലീപ് ഫാന്‍സ് ചെയര്‍മാന്‍ റിയാസ് ആണ് ആഷിക്കിനെതിരെ ഗുരുതര ആരോപണങ്ങള്‍ ഉന്നയിക്കുന്നത്. ദിലീപിനെതിരെയുള്ള ഗൂഢാലോചനയ്ക്ക് പിന്നില്‍ ആഷിക് അബു ആണോ എന്നാണ് റിയാസ് തന്റെ ഫേസ്ബുക്ക് പോസ്റ്റിലൂടെ ചോദിക്കുന്നത്.