ബസും ഓട്ടോയും കൂട്ടിയിടിച്ച് അങ്കമാലിയിൽ നാല് മരണം, മൃതദേഹങ്ങൾ പുറത്തെടുത്തത് ഓട്ടോ വെട്ടിപ്പൊളിച്ച്

അങ്കമാലിയില്‍ ഓട്ടോറിക്ഷയും സ്വകാര്യബസും കൂട്ടിയിടിച്ച് നാല് മരണം. ഓട്ടോയാത്രക്കാരായ മൂന്ന് സ്ത്രീകളും ഡ്രൈവറുമാണ് മരിച്ചത്. അങ്കമാലി ബാങ്ക് കവലയില്‍ ഏഴരയോടായിരുന്നു അപകടം നടന്നത്. ഇടിയുടെ ആഘാതത്തില്‍ ഓട്ടോ പൂര്‍ണമായും തകര്‍ന്നു.

ബസ്സിനടിയില്‍പ്പെട്ട ഓട്ടോ വെട്ടിപ്പൊളിച്ചാണ് മൃതദേഹങ്ങള്‍ പുറത്തെടുത്തത്. ബസ്സ് യാത്രക്കാര്‍ക്ക് പരിക്കുകളൊന്നുമില്ല. മരിച്ചവരില്‍ രണ്ടുപേരെ തിരിച്ചറിഞ്ഞിട്ടുണ്ട്. മൃതദേഹങ്ങള്‍ അങ്കമാലിയിലെ സര്‍ക്കാര്‍ ആശുപത്രിയിലേക്ക് മാറ്റി.