കേന്ദ്ര ആഭ്യന്തരമന്ത്രി അമിത് ഷായുടെ കേരളസന്ദർശനം റദ്ദാക്കി. ഈ മാസം 29ന് കേരളത്തിലെത്തുമെന്നാണ് നേരത്തെ അമിത് ഷാ അറിയിച്ചിരുന്നത്. ഔദ്യോഗിക തിരക്ക് മൂലമാണ് സന്ദർശനം റദ്ദാക്കിയതെന്നാ‌ണ് അറിയിപ്പ്. കേരളസന്ദർശനം റദ്ദാക്കിയതല്ലെന്നും നീട്ടിവെച്ചതാണെന്നും സംസ്ഥാന ബിജെപി നേതൃത്വം അറിയിച്ചു.
അമിത് ഷായുടെ കേരളസന്ദർശനം പാർട്ടിയുടെ ശക്തിപ്രകടനമാക്കി ഒരുക്കുവാനുള്ള തയ്യറെടുപ്പിലായിരുന്നു കേരളാ നേതൃത്വം. സംസ്ഥാനത്ത് ആഭ്യന്തര വകുപ്പിനെതിരെ പ്രതിഷേധം ശക്തമാകുകയും കെ റെയിൽ പ്രതിഷേധമുൾപ്പടെ ശക്തമായിരിക്കുകയും ചെയ്‌തിരി‌ക്കുന്ന സാഹചര്യത്തിൽ കൂടിയാണ് അമിത് ഷായുടെ സന്ദർശനം നടക്കാനിരുന്നത്.
