നടിയെ തട്ടിക്കൊണ്ട് പോയി ആക്രമിച്ച സംഭവം; ഡ്രൈവർ അറസ്റ്റിൽ
നടിയെ തട്ടിക്കൊണ്ടുപോയ സംഭവം; ഒരാൾ അറസ്റ്റിൽ
നടിയെ തട്ടിക്കൊണ്ട് പോയി ആക്രമിച്ച സംഭവത്തിൽ ഒരാൾ അറസ്റ്റിൽ. നടിയുടെ
ഡ്രൈവറായ കൊരട്ടി സ്വദേശി മാര്‍ട്ടിനെയാണ് പൊലീസ് അറസ്റ്റ് ചെയ്തത്. പെരുമ്പാവൂര്‍ സ്വദേശി സുനിലാണ് സംഭവത്തിന്റെ മുഖ്യ ആസൂത്രകനെന്ന് പൊലീസ് പറഞ്ഞു. ഇന്നലെ രാത്രി ഒൻപത് മണിയോ‌ടെയായിരുന്നു സംഭവം.
നടിയെ ആക്രമിച്ച് കാര്‍ തട്ടിക്കൊണ്ട് പോകാന്‍ ശ്രമിച്ച സംഘം കാറിനകത്ത് വച്ച് അപകീര്‍ത്തിപരമായ ചിത്രമെടുക്കാനും ശ്രമിച്ചെന്നും ഡിജിപി അടക്കമുള്ളവർക്ക് ലഭിച്ച പരാതിയിൽ വ്യക്തമാക്കുന്നു. തൃശ്ശൂരില്‍ നിന്ന് കൊച്ചിയിലേക്കുള്ള യാത്രക്കിടെ നെടുമ്പാശ്ശേരി അത്താണിയില്‍ വച്ചാണ് കാറിലേക്ക് ഒരു സംഘം ഇരച്ചു കയറി വാഹനം തട്ടിയെടുത്തത്.
കാറിനകത്ത് കയറിയ സംഘം നടിയെ ഭീഷണിപ്പെടുത്തി അപകീര്‍ത്തിപരമായ ചിത്രമെടുക്കാന്‍ ശ്രമിച്ചു. മോശം ചിത്രങ്ങളും വീഡിയോകളും പകർത്തിയതായും റിപ്പോർട്ടുകൾ ഉണ്ട്. പിന്നീട് പാലാരിവട്ടത്ത് എത്തിയപ്പോള്‍ ഇവര്‍ മറ്റൊരു വാഹനത്തിലേക്ക് മാറി കയറുകയായിരുന്നു. മൂന്നംഗ സംഘമാണ് തന്നെ ആക്രമിച്ചതെന്ന് ഭാവന പൊലീസിനോട് മൊഴി നല്‍കി.
