ബാലഭാസ്കറിന്റെ അപകടമരണം സി ബി ഐ അന്വേഷിക്കും,സർക്കാർ വിജ്ഞാപനം ഇറങ്ങി

അഭിറാം മനോഹർ
ചൊവ്വ, 10 ഡിസം‌ബര്‍ 2019 (12:03 IST)
പ്രശസ്ത വയലിനിസ്റ്റ് ബാലഭാസ്കറിന്റെ മരണവുമായി ബന്ധപ്പെട്ട അന്വേഷണം സംസ്ഥാന സർക്കാർ സി ബി ഐക്ക് കൈമാറി. മകന്റെ മരണത്തിൽ ദുരൂഹതയുണ്ടെന്നും കേസ് സി ബി ഐ അന്വേഷിക്കണമെന്നും ആവശ്യപ്പെട്ട് ബാലഭാസ്കറിന്റെ പിതാവ് കെ സി ഉണ്ണി നേരത്തെ മുഖ്യമന്ത്രിയെ സന്ദർശിച്ചിരുന്നു. പിതാവിന്റെ പരാതിയുടെ മേലാണ് സർക്കാർ കേസ് സി ബി ഐക്ക് കൈമാറികൊണ്ടുള്ള ഉത്തരവ് ഇറക്കിയത്.
 
2018 സെപ്റ്റംബർ 2ന് പുലർച്ചെ ഒരു മണിക്കാണ് ബാലഭാസ്കറിന്റെ മരണത്തിന് കാരണമായ അപകടം ഉണ്ടായത്. ബാലഭാസ്കറും ഭാര്യയും മകളും സുഹ്രുത്തും സഞ്ചരിച്ച ഇന്നോവ കോരണിയിൽ ദേശീയപാതക്ക് സമീപമുള്ള മരത്തിൽ നിയന്ത്രണം തെറ്റി ഇടിക്കുകയായിരുന്നു. അപകടത്തിൽ മകൾ തേജസ്വിനി ബാല സംഭവസ്ഥലത്തും ബാലഭാസ്കർ ഒക്ടോബർ രണ്ടാം തിയതി ആശുപത്രിയിലും മരിച്ചു. അപകടത്തിൽ ഭാര്യ ലക്ഷ്മിക്കും ഗുരുതരമായി പരിക്കേറ്റിരുന്നു. 
 
മരണത്തിൽ നേരത്തെ ക്രൈം ബ്രാഞ്ച് ആണ് അന്വേഷണം നടത്തിയിരുന്നത്. എന്നാൽ ബാലഭാസ്കറിന്റെ പരിചയക്കാരനായ പ്രകാശ് തമ്പി സ്വർണക്കടത്തുകേസിൽ തിരുവനന്തപുരത്ത് അറസ്റ്റിലായതോടെയാണ് കേസിൽ വഴിത്തിരിവായത്. തുടർന്ന് കുടുംബാംഗങ്ങളും മരണത്തിൽ ദുരൂഹതയുണ്ടെന്ന ആരോപണവുമായി രംഗത്തെത്തുകയായിരുന്നു. 
 
ക്രൈം ബ്രാഞ്ച് ഒരാഴ്ചക്കുള്ളിൽ കേസ് സി ബി ഐക്ക് കൈമാറും. 

അനുബന്ധ വാര്‍ത്തകള്‍

വായിക്കുക

അഫ്ഗാനികൾ ഇങ്ങോട്ട് കയറണ്ട, ഇമിഗ്രേഷൻ അപേക്ഷകൾ നിർത്തിവെച്ച് യുഎസ്

കടുത്ത പനി; വേടന്‍ തീവ്രപരിചരണ വിഭാഗത്തില്‍ തുടരുന്നു, സ്റ്റേജ് ഷോ മാറ്റി

ഇന്ത്യന്‍ മഹാസമുദ്രത്തിനും മുകളിലായി ശക്തി കൂടിയ ന്യുനമര്‍ദ്ദം; സംസ്ഥാനത്ത് വരും ദിവസങ്ങളിലും മഴ തുടരും

Kerala Weather: തീവ്ര ന്യൂനമര്‍ദ്ദം വരുന്നു, കര തൊട്ട് സെന്‍യാര്‍ ചുഴലിക്കാറ്റ്; കേരളത്തില്‍ മഴ

സംസ്ഥാനത്ത് 28,300 മുന്‍ഗണന റേഷന്‍ കാര്‍ഡുകള്‍ വിതരണം ചെയ്തു

എല്ലാം കാണുക

ഏറ്റവും പുതിയത്

ഡിറ്റ് വാ ചുഴലിക്കാറ്റ്: ശ്രീലങ്കയില്‍ വെള്ളപ്പൊക്കത്തിലും മണ്ണിടിച്ചിലിലുമായി 334 പേര്‍ മരിച്ചു, 400ലധികം പേരെ കാണാതായി

എല്ലാ തീരുമാനത്തിനും കൂട്ടുത്തരവാദിത്വം ഉണ്ട്: ശബരിമല സ്വര്‍ണകൊള്ളക്കേസില്‍ പ്രതികരണവുമായി എ പത്മകുമാര്‍

അതിജീവിതയ്‌ക്കെതിരെ മോശം കമന്റിട്ടവരെയും പൂട്ടും; രാഹുല്‍ ഈശ്വര്‍ ഇന്ന് കോടതിയില്‍

മൂന്നാം മാസത്തില്‍ കഴിച്ചത് ഏഴാഴ്ചയ്ക്കകം കഴിക്കേണ്ട ഗുളിക; രാഹുല്‍ മാങ്കൂട്ടത്തിലിനെതിരെ ഡോക്ടറുടെ മൊഴി

ഗുരുവായൂര്‍ ഏകാദശി ഇന്ന്; പ്രാദേശിക അവധി

അടുത്ത ലേഖനം
Show comments