സംസ്ഥാനത്തെ കനത്ത മഴ: ജാഗ്രതയോടെയിരിക്കാൻ മുഖ്യമന്ത്രിയുടെ നിർദേശം

തിരുവനന്തപുരം: സംസ്ഥാനത്ത് മഴ ശക്തമാകുന്ന സാഹചര്യത്തിൽ എല്ലാവരും കനത്ത ജാഗ്രത പുലർത്തണമെന്ന് മുഖ്യമന്ത്രി പിണറായി വിജയൻ. സർക്കാരും ജില്ലാ ഭരണഗൂഡങ്ങളും നൽകുന്ന നിർദേശങ്ങൾ കർശനമായി പാലിക്കണമെന്നും അദ്ദേഹം നിർദേശിച്ചു.

അപകട സാധ്യതയുള്ള മേഖലകളിൽ നിന്നും സുരക്ഷിത സ്ഥാനങ്ങളിലേയ്‌ക്ക് മാറുക. ഈ ഘട്ടത്തിൽ ജനങ്ങ‌ളുടെ ജാഗ്രതയും സഹകരണവുമാണ് ഏറ്റവും അനിവാര്യമായുള്ളത്. അക്കാര്യത്തിൽ യാതൊരു വിട്ടുവീഴ്‌ചയും ചെയ്യരുതെന്നും മുഖ്യമന്ത്രി തന്റെ ഫേസ്ബുക്ക് പോസ്റ്റിൽ വ്യക്തമാക്കി.