Publish Date: Mon, 10 May 2021 (21:01 IST)
Updated Date: Mon, 10 May 2021 (21:26 IST)
തിരക്കഥാകൃത്തും സംവിധായകനുമായ ഡെന്നീസ് ജോസഫ് അന്തരിച്ചു. ഹൃദയാഘാതത്തെ തുടര്ന്നാണ് അന്ത്യം. മലയാള സിനിമയിലെ എക്കാലത്തെയും ഹിറ്റുകളുടെ തമ്പുരാനാണ് വിടവാങ്ങിയത്. കോട്ടയത്തെ സ്വകാര്യ ആശുപത്രിയില് വച്ചാണ് അന്ത്യം.
മമ്മൂട്ടിയ്ക്കും മോഹന്ലാലിനും ഏറ്റവും മികച്ച വേഷങ്ങള് നല്കിയ തിരക്കഥാകൃത്താണ് ഡെന്നീസ് ജോസഫ്. രാജാവിന്റെ മകന് എന്ന ചിത്രത്തിലൂടെയാണ് മോഹന്ലാല് സൂപ്പര്താര പരിവേഷം സ്വന്തമാക്കിയത്. ന്യൂഡല്ഹിയിലൂടെ മമ്മൂട്ടിക്ക് ഗംഭീര തിരിച്ചുവരവ് സമ്മാനിച്ച താരം കൂടിയാണ് ഡെന്നീസ് ജോസഫ്.
നിറക്കൂട്ട്, രാജാവിന്റെ മകന്, ന്യൂഡല്ഹി, മനു അങ്കിള്, കോട്ടയം കുഞ്ഞച്ചന്, ആകാശദൂത് തുടങ്ങി നിരവധി ഹിറ്റ് ചിത്രങ്ങള്ക്ക് തിരക്കഥയൊരുക്കിയത് ഡെന്നീസ് ജോസഫാണ്. അഗ്രജന്, തുടര്ക്കഥ, അപ്പു, അഥര്വ്വം, മനു അങ്കിള് എന്നീ ചിത്രങ്ങള് സംവിധാനം ചെയ്തിട്ടുമുണ്ട്.
