ദിലീപിന് ആശ്വസിക്കാന്‍ ഒരു വകയുമില്ല; ജയില്‍ സന്ദര്‍ശനത്തിന് വിലക്ക് - കു​ടും​ബ​ത്തി​നും പ്ര​മു​ഖ​ർ​ക്കും മാ​ത്രം അ​നു​മ​തി

കൊച്ചിയില്‍ യുവനടിയെ തട്ടിക്കൊണ്ടു പോയി ഉപദ്രവിച്ച കേസില്‍ അറസ്‌റ്റിലായി റിമാന്‍‌ഡില്‍ കഴിയുന്ന നടന്‍ ദി​ലീ​പി​നു സ​ന്ദ​ർ​ശ​ക വി​ല​ക്കേ​ർ​പ്പെ​ടു​ത്തി. കുടുംബാഗംങ്ങൾക്കും പ്രധാനവ്യക്തികൾക്കും മാത്രമാണ് ഇനി മുതൽ അനുമതി ലഭിക്കുകയുള്ളു.

സിനിമാ താരങ്ങളുടെ കൂ​ട്ട​സ​ന്ദ​ർ​ശ​ന​ത്തെ തു​ട​ർ​ന്നാ​ണു ആ​ലു​വ സ​ബ് ജ​യി​ലി​ൽ നി​യ​ന്ത്ര​ണം ഏര്‍പ്പെടുത്തിയത്. ഇ​ന്ന് എ​ട്ടു​പേ​ർ​ക്ക് സ​ന്ദ​ർ​ശ​നാ​നു​മ​തി നി​ഷേ​ധി​ച്ച​താ​യും ജ​യി​ൽ അ​ധി​കൃ​ത​ർ വ്യക്തമാക്കി.

നി​യ​ന്ത്ര​ണ​ങ്ങ​ൾ മ​റി​ക​ട​ന്ന് ദി​ലീ​പി​ന് സ​ന്ദ​ർ​ശ​ക​രെ അ​നു​വ​ദി​ച്ച​തി​ൽ കേ​സ് അ​ന്വേ​ഷി​ക്കു​ന്ന സം​ഘം പ​രാ​തി​പ്പെ​ട്ട​താ​യി റി​പ്പോ​ർ​ട്ടു​ണ്ടാ​യി​രു​ന്നു അതിനു പിന്നാലെയാണ് ദിലീപിന്റെ സന്ദർശകരുടെ എണ്ണത്തിൽ നിയന്ത്രണം ഏർപ്പെടുത്തിയത്.

അ​ച്ഛ​ൻ​റെ ശ്രാ​ദ്ധ ച​ട​ങ്ങി​ൽ പ​ങ്കെ​ടു​ക്കാ​ൻ ദി​ലീ​പി​ന് കോ​ട​തി അ​നു​മ​തി കൊ​ടു​ത്ത​തി​നു പി​ന്നാ​ലെ നാ​ദി​ർ​ഷ​യാ​ണ് ആ​ദ്യം ജ​യി​ലി​ലെ​ത്തി​യ​ത്. ഇ​തി​നു പി​ന്നാ​ലെ ഭാ​ര്യ കാ​വ്യാ മാ​ധ​വ​ൻ, മ​ക​ൾ മീ​നാ​ക്ഷി, കാ​വ്യ​യു​ടെ അ​ച്ഛ​ൻ എ​ന്നി​വ​ർ ഒ​രു​മി​ച്ചെ​ത്തി ദി​ലീ​പി​നെ ക​ണ്ടിരുന്നു.

തുടര്‍ന്ന് ഉ​ത്രാ​ട, തി​രു​വോ​ണ, അ​വി​ട്ട ദി​ന​ങ്ങ​ളി​ലും തു​ട​ർ​ന്നും നി​ര​വ​ധി പേ​ർ ദി​ലീ​പി​നെ കാ​ണാ​നാ​യി ആ​ലു​വ ജ​യി​ലി​ലെ​ത്തി​യി​രു​ന്നു. നടനും എംഎൽഎയുമായ കെബി ഗണേഷ്കുമാർ, ജയറാം, ഹരിശ്രീ അശോകൻ, സുരേഷ് കൃഷ്ണ, കലാഭവൻ ഷാജോൺ, സുധീർ, സംവിധായകരായ രഞ്ജിത്, നാദിർഷാ, നിർമാതാക്കളായ ആന്റണി പെരുമ്പാവൂർ, അരുൺ ഘോഷ്, ബിജോയ് ചന്ദ്രൻ തിരക്കഥാകൃത്ത് ബെന്നി പിനായരമ്പലം, ഏലൂർ ജോർജ്, വി​ജ​യ​രാ​ഘ​വ​ൻ, ന​ന്ദു, നി​ർ​മാ​താ​ക്ക​ളാ​യ ര​ഞ്ജി​ത് ര​ജ​പു​ത്ര, എ​വ​ർ​ഷൈ​ൻ മ​ണി തുടങ്ങിയവരാണ് ജയിലിലെത്തി ദിലീപിനെ ഇതുവരെ സന്ദർശിച്ചത്.