തന്നെ കടിച്ച പട്ടിയെ കഴുത്തുഞെരിച്ച് കൊന്ന് വിദ്യാർത്ഥിനി; സംഭവം കോഴിക്കോട്

കോഴിക്കോട് തന്നെ കടിച്ച പട്ടിയെ കഴുത്തുഞെരിച്ച് കൊന്ന് വിദ്യാർത്ഥിനി. പട്ടിയുടെ കടിയേറ്റ് രക്ഷപെടാൻ ശ്രമിക്കുന്നതിനിടെയാണ് വിദ്യാർത്ഥിനി പട്ടിയുടെ കഴുത്ത് ഞെരിച്ചത്. കോഴിക്കോട് ഇയ്യങ്കോട് വായനശാലയുടെ സമീപമായിരുന്നു സംഭവം.

വെള്ളിയാഴ്ച വൈകിട്ട് പെൺകുട്ടിയുടെ വീടിനു സമീപം വെച്ചാണ് കുട്ടിക്ക് പട്ടിയുടെ കറ്റിയേറ്റത്. പെൺകുട്ടിയുടെ കാലിനാണ് പട്ടി കടിച്ചത്. പ്ലസ് ടൂ വിദ്യാർഥിനിയെ ഉൾപ്പടെ മൂന്ന് പേരെ പട്ടി കടിച്ചു.

പ്ലസ് ടൂ വിദ്യാർഥിനിയെ കൂടാതെ മന്നമ്പത്ത് മുരളി (48), കുണ്ട്യാംവീട്ടിൽ കുഞ്ഞാലി (65) എന്നിവർക്കാണ് പട്ടിയുടെ കടിയേറ്റ് പരിക്കേറ്റത്.