Publish Date: Mon, 30 Sep 2024 (16:15 IST)
Updated Date: Mon, 30 Sep 2024 (16:19 IST)
മൈനാഗപ്പള്ളിയില് സ്കൂട്ടര് യാത്രക്കാരിയെ കാര് കയറ്റി കൊലപ്പെടുത്തിയ സംഭവത്തില് രണ്ടാം പ്രതി ഡോക്ടര് ശ്രീകുട്ടിക്ക് ജാമ്യം ലഭിച്ചു. കൊല്ലം ജില്ലാ പ്രിന്സിപ്പല് സെഷന്സ് കോടതിയാണ് ജാമ്യം അനുവദിച്ചത്. നരഹത്യക്കുറ്റം ശ്രീക്കുട്ടിക്ക് എതിരേ നിലനില്ക്കുന്നതല്ലെന്ന് ചൂണ്ടിക്കാട്ടിയാണ് ജാമ്യം.
അതേസമയം ഒന്നാംപ്രതി അജ്മലിന്റെ ജാമ്യാപേക്ഷ ശാസ്താംകോട്ട ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി കഴിഞ്ഞ ദിവസം തള്ളിയിരുന്നു. കാറിന്റെ പിന്സീറ്റിലായിരുന്ന ശ്രീക്കുട്ടി ഒരു തരത്തിലുമുള്ള പ്രേരണയും നല്കിയിട്ടില്ലെന്നും ഒന്നാംപ്രതി അജ്മല് സ്വയം കാര് മുന്നോട്ടെടുത്തതാണെന്നും പ്രതിഭാഗം വാദിച്ചു.
