തിരുവനന്തപുരം മേയറടക്കമുള്ളവര്‍ക്കെതിരായ ഡ്രൈവര്‍ യദുവിന്റെ പരാതി കോടതി ഫയലില്‍ സ്വീകരിച്ചു

തിരുവനന്തപുരം മേയറടക്കമുള്ളവര്‍ക്കെതിരായ കെഎസ്ആര്‍ടിസി ഡ്രൈവര്‍ യദുവിന്റെ പരാതി കോടതി ഫയലില്‍ സ്വീകരിച്ചു. തിരുവനന്തപുരം മജിസ്‌ട്രേറ്റ് കോടതി മൂന്നാണ് യദുവിന്റെ പരാതി സ്വീകരിച്ചത്. കേസ് ഈ മാസം ആറിനാണ് പരിഗണിക്കുന്നത്. ഡ്രൈവര്‍ യദു മേര്‍ക്കും സംഘത്തിനും എതിരെ നല്‍കിയ പരാതിയില്‍ പോലീസ് ഇതുവരെ കേസെടുത്തിട്ടില്ല. അതേസമയം മേയറുടെ പരാതിയില്‍ ഡ്രൈവര്‍ക്കെതിരെ കേസെടുത്തിട്ടുണ്ട്. ഈ സാഹചര്യത്തിലാണ് യദു കോടതിയെ സമീപിച്ചത്.

സീബ്രാലൈനില്‍ കാറിട്ട് ബസ് തടഞ്ഞു കൃത്യനിര്‍വാഹണം തടസ്സപ്പെടുത്തിയെന്നും സച്ചിന്‍ദേവ് എംഎല്‍എ ബസ്സില്‍ അതിക്രമിച്ചു കയറി ഭീഷണിപ്പെടുത്തിയെന്നും പരാതിയില്‍ പറയുന്നു. കാറില്‍ ഉണ്ടായിരുന്ന അഞ്ചു പേര്‍ക്കെതിരെയാണ് പരാതി നല്‍കിയത്.