തലശേരി: തദ്ദേശ ഭരണ തെരഞ്ഞെടുപ്പ് നടക്കുന്ന സംസ്ഥാനത്ത് ഒരു ആശുപത്രിയിലെ പതിനഞ്ച് ജീവനക്കാര്‍ സ്ഥാനാര്‍ഥികളായി വിവിധ സ്ഥലങ്ങളില്‍ മത്സരിക്കുന്നു. തലശേരി ഇന്ദിരാഗാന്ധി സഹകരണ ആശുപത്രിയിലെ ജീവനക്കാരാണ് ഇത്തരമൊരു മത്സരത്തിന് തയ്യാറെടുക്കുന്നത്. പിണറായി പഞ്ചായത്തില്‍ നിന്നാണ് 6 പേര്‍ മത്സരിക്കുന്നത്.
ഇവരെല്ലാവരും തന്നെ യു.ഡി.എഫ് സ്ഥാനാര്ഥികളാണ് എന്നത് മറ്റൊരു കാര്യം. ഈ മത്സരാര്‍ത്ഥികള്‍ നഗരസഭാ, ഗ്രാമ പഞ്ചായത്, ബ്ലോക്ക് ഡിവിഷന്‍ എന്നീ സ്ഥാനങ്ങളിലേക്കാണ് മത്സരിക്കുന്നത്. ഒരാള്‍ മാത്രമേ ബ്ലോക്ക് പഞ്ചായത്തിലേക്കുള്ളു. കൂടുതല്‍ പേരും പഞ്ചായത്ത് വാര്‍ഡ് സ്ഥാനാര്ഥികളാണ്.
