Publish Date: Sat, 16 Mar 2024 (17:16 IST)
Updated Date: Sat, 16 Mar 2024 (17:18 IST)
ലോക്സഭാമണ്ഡലങ്ങളിലേയ്ക്കുള്ള വോട്ടെടുപ്പിന്റെ തിയ്യതി തെരഞ്ഞെടുപ്പ് കമ്മീഷന് പ്രഖ്യാപിച്ചിരിക്കുകയാണ്. മുഖ്യ തെരഞ്ഞെടുപ്പ് കമ്മീഷണര് രാജീവ് കുമാറിനൊപ്പം പുതുതായി ചുമതലയേറ്റ കമ്മീഷണര്മാരായ ഗ്യാനേഷ് കുമാറും, സുഖ്ബീര് സിംഗ് സന്ധുവും വാര്ത്താ സമ്മേളനത്തില് പങ്കെടുത്തു. തെരഞ്ഞെടുപ്പിന് രാജ്യം പൂര്ണ സജ്ജമാണെന്ന് മുഖ്യതെരഞ്ഞെടുപ്പ് കമ്മീഷണര് അറിയിച്ചു. എല്ലാ സംസ്ഥാനങ്ങളിലും സന്ദര്ശനം നടത്തി. എല്ലാ ഒരുക്കങ്ങളും നേരിട്ട് കണ്ട് വിലയിരുത്തി. തെരഞ്ഞെടുപ്പ് കാലം രാജ്യത്തിന്റെ അഭിമാനം എന്നതാണ് ഈ തെരഞ്ഞെടുപ്പിന്റെ മുദ്രാവാക്യം. 97 കോടി വോട്ടര്മാരാണ് രാജ്യത്തുളളത്. എല്ലാ വോട്ടര്മാരും തെരഞ്ഞെടുപ്പില് പങ്കാളികളാകണമെന്നും കമ്മീഷന് പറഞ്ഞു.
ആദ്യ ഘട്ടത്തില് 102 ലോക്സഭാ മണ്ഡലങ്ങളില് വോട്ടെടുപ്പ് നടക്കും. തമിഴ്നാട് ,രാജസ്ഥാന്, ഛത്തീസ്ഘട്ട്, വടക്ക് കിഴക്കന് സംസ്ഥാനങ്ങളില് വോട്ടെടുപ്പ് നടക്കും. രണ്ടാം ഘട്ടത്തില് 13 സംസ്ഥാനങ്ങളിലെ 89 മണ്ഡലങ്ങളിലും മൂന്നാമത്തെ ഘട്ടത്തില് 94 മണ്ഡലങ്ങളില് നാലാം ഘട്ടത്തില് 96 മണ്ഡലങ്ങളിലും അഞ്ചാം ഘട്ടത്തില് 49 മണ്ഡലങ്ങളിലും ആറാം ഘട്ടത്തില് 57 മണ്ഡലങ്ങളിലും ഏഴാം 57 മണ്ഡലങ്ങളിലും വോട്ടെടുപ്പ് നടക്കും.
